一個中國

2020年9月15日

成日都話一中政策，究竟一個中國有幾大，點解我哋去中國其他嘅城市，要有回鄉證，點解去澳門我要畀身份證，點解去台灣我要申請入境證。點解我唔係中國公民，只係香港居民。

而家有5名香港居民，比台灣扣留，12名香港居民，畀大陸扣留。既然香港係中國大陸嘅一部分，點解會喺中國嘅海域會視為非法入境，首先撇除被扣留者嘅目的地，香港水域，其實比大陸水域包圍，如果離開香港水域就會進入大陸水域。如果你要出公海，是不是應要申請香港出境許可，然後申請出境中國海圍到公海？實際上又不是，出境前只要向海事處申請許可證便可，詳情可以參閱政府網頁。

咁點解嗰12名香港居民會被中國扣留，因為佢哋冇證件，還是因為佢哋已被列入黑名單中。呢一個可能性都唔可以排除，國安法實施之前，中國已有一份黑名單，如果一個唔好彩，你同黑名單裏面嘅人同名同姓，當你出入大陸境嘅時候，就會比較需時。有次我同一個朋友返大陸玩，剛巧佢個名同某個，民主派人士同名同姓，佢入羅湖關口時，畀我哋一般普通人較長時間。

而家人就拉咗返中國，簡直送羊入虎口，佢哋喺香港嘅親人，當然想盡快接濟佢哋，但係唔好唔記得佢哋而家係喺中國，畀佢哋拉倒，就立刻變咗做犯人，唔係疑犯，要喺中國搵個犯人簡直係天方夜譚。而家仲要揾正苦求助，一個咁親中嘅正苦，佢哋可以幫到啲乜嘢？而家香港簡直連一個二線城市都不如。天佑那12位香港人。

台灣嗰邊又如何呢？台灣嗰邊，正苦更加幫唔到手，先前嘅逃犯條例，已經畀柒婆搞到一鑊粥，而家仲要問對方攞人，想強硬起來，人哋都未必睬你，你係咪唔記得咗你只係一個城市嘅首長，國家層面嘅事係咪應該交番畀國家去處理。不過照公民及居民嘅理論，佢哋只係香港居民，又不是中國公民，幾個居民畀第二個國家拉左，又真係唔知點幫你哋！國家現在四面受敵，邊得閒理幾個居民吖！但我總相信比在扣留大陸的好！但願如此。