第六章：「真相」

黑衣人離開後，只留下啊水及水靈你眼望我眼，然後兩人便相顧笑了笑，並沒有多說甚麼，便並肩踏上歸途

可能啊水與水靈都累了吧，他們直至走到分離的路開前仍不發一言，幸好啊水還記得他是子兒之身，理所當然地說一些紳士之語，道：「靈，洗唔洗我送你返去，雖然你打唔過嘅我應該都打唔過，但多一個人始終好啲嘛！哈哈！」

「um……唔洗啦，你都攰啦，加上你又成身傷哂，快啲返屋企啦！」水靈婉拒道。

其實，啊水看著水靈有無限的自卑感，加上「毒毒」的性格，在某處看了、聽了不能纏著女孩的忠言，否則會被他們討厭，所以決定不再多說甚麼。

「好啦！咁你記得返到同我講聲啦！」

「好！bye, bye」雖水靈的說話很像女生拒絕男生時所說的話，但她著實是發自內心說的，看著啊水的傷痕，即使她想啊水再陪她再走一段路，亦說不出口吧！

於是，他們便在十字路口分開，各自回家。幸而，他們一路上都沒有遇上甚麼怪事，順利到家。

啊水一直走……一直走……，到了一處暗巷，走進去，到了某處便停下，對著牆，非常熟練地利用自身的氣息打入牆內，經由牆身所隱藏的門隨之打開。接着，啊水便飛快地回到自家門前。只看見在大門前有一名老人坐在懶人椅上，看著天空，好像正感受黑夜所帶來的寧靜。

「啊水！你返到啦，肚唔肚餓啊？咦！點解你成身傷哂嘅？」本悠閒看著天空的老人突然緊張起來。

「黃公公，我有啲野想問你啊！」啊水答非所問地回應老人。

「好！我哋入屋先講」

「黃公公，我今日遇到兩件怪事啊！」當聽到這句說話後，黃公公表情不禁凝重起來。

「我返學嗰時同個有深紅氣息嘅同學起咗一啲衝突，係差啲比佢打到重傷嘅時候，有一個人幫我擋咗嗰吓致命一擊。另外，係放學嘅時候又遇到三名黑衣人……」說到「黑衣人」三字時，黃公公瞬間激動起來，邊摸著啊水受傷的位置，邊說：「你話黑衣人！你頭先話係咪黑衣人？」

「係啊！不過你聽埋我講先，我遇到黑衣人之後，佢哋就問我同紫黑氣息、常村之間嘅關係，我都唔知佢講咩。之後佢就不分青紅皂白咁攻擊我同水靈，仲要係真係想置我哋死地咁攻擊。黃公公，你知唔知到底發生咩事？其實係咪關我哋屋企咁隱蔽嘅事？」啊水不緩不急地道。

「唉！要嚟嘅始終都會嚟，你都咁大個，都好難再瞞住你嫁啦？」

「瞞？瞞我啲咩？」

「其實你都應該知道，我哋一出日世就被評級金，由C到S，甚至我哋嘅將來都因為依啲評級而被決定。而你，一出世嘅時候因為某啲嘅原因而無等級。係依個社會，如果無評級就會被視為『異』嘅存在。」說到這裏，黃公公便走向書桌上的位置，摸着一張照片，續說：

「你知唔知『異』係依個社會上面有咩待遇？」

「會比人歧視，比社會遺棄。」啊水答道。

「係，但唔單單就咁，社會上有一個組織叫『行正會』，佢哋係維持依個社會嘅核心。當一個人被視為『異』，就會比佢哋追殺。慢慢咁，社會上嘅所有人都唔接納『異』嘅存在，包括父母。」黃公公道。

「咁點解我身上有『黃色之氣』？『常村』又係點嘅一回事？」啊水又問。

「就係因為社會上唔接納『異』嘅存在，加上為咗逃避『行正會』嘅追殺，所以我就用咗某啲嘅方法，注入咗表面嘅『黃色之氣』比你，希望你過上一啲正常安穩嘅日子！」黃公公看著照片上面露燦爛笑容的啊水說道。

「而事實上，無評級嘅人唔單止只有你一個，我都係，住係『牆門』後面嘅所有人都係。『牆門』後嘅世界，即係你我住嘅地方就係叫『常村』。你覺唔覺得，一班『異』住嘅地方叫『常村』係一件好奇怪嘅事？」黃公公提出了一個疑問。

見啊水沒有反應，且樣子充滿了問號的模樣，便續說：「『異』與『常』係點樣介定？何謂『異』？何謂『常』？唔合乎社會上嘅大多數就屬於『異』？定係唔合乎社會上某啲標準就係『異』？點解會出現所謂嘅標準？我哋都係人，點解我哋唔係『常』？就係因為我哋無評級？如果單單就係咁而判定我哋就係『異』，我哋都唔同意。所以，『常村』之所以為『常村』，因為住係到嘅人都係『常』人。」

啊水面對黃公公一連串的發問，腦袋一時未能運轉，於是黃公公只好臉露慈祥地說：「睇你都要一啲時間消化頭先我講嘅嘢，等你消化完，我再帶你去一個地方！」然後，黃公公便走進寢室，獨留啊水在廳中。