第十二章：「十獸練！」(上)

自啊水在那場「試練」中倒下後，足足昏迷三天才醒來。

「你醒啦！？」黃公公問道。

「點解我會係到？我淨係記得比卓劍嘅武士刀亂插！咦！我無死嘅？」

「你應該知道我哋作為「常者」所釋放嘅氣息有咩特別？」黃公公問非所答。

「我嗰頭好痛，諗唔到野啊！」

「「常者」無評級係因為我哋嘅「可能性」，簡單嚟講，我哋嘅氣息係可以轉變、進化。」

「之後？」

「而你係嗰場「試練」入面，就係卓劍放出所有武士刀嘅時候，你失去咗意識，你嘅求生本能激出你嘅潛力，釋放咗紫黑氣息。最後，打低咗卓劍嘅同時，你都瞓低咗！」

「紫黑氣息⋯⋯話時話，點解你咁清楚頭先嘅「試練」，唔通你係知，但唔阻止？」

「係，經歷過「試練」都係為你好炸！其他「常者」唔會再為難你，你又知道自己可以釋出紫黑氣息，你話係咪先？」

「係⋯⋯但你見到嗰孫比人打到就死你都唔幫，你係唔係人嚟？」

「唔好介意埋啲少事啦，我知你一定無事嘅！」

聽到黃公公的說法後，啊水不禁對他反了白眼。

「咁嗰場「試練」點樣，應該仲有兩個人仲未打嫁喎」啊水問道。

「唔洗打啦！其餘嗰兩兄弟見到你咁樣，都主動放棄咗！」黃公公答到。

「好啦！你快啲休息啦？休息完就盡快投入「十獸練」！」

於是，啊水多休息兩天後便又前往那間白房。這次到了白房後，其他「常者」再沒有主動挑釁啊水，但仍以鄙視的目光注視著啊水。

「你嚟啦！過嚟啦，我帶你去「十獸練」嗰到啦！」果然願意主動與啊水搭言的只有紅王。

然後，啊水便跟著紅王前往一處的密室，在開門之際，紅王提點啊水：

「小心啊！水，記得你嘅氣息唔只限於黃色，係可以進步！」

啊水只見紅王不再跟來，而且面露尷尬之色，啊水便已知道這個「十獸練」人不是一個輕鬆的東西。

於是，啊水便獨自進入這間密室，一直走一直走，啊水料不到這間密室是如此的。多走了一會，才逐漸出現要些裝飾品。啊水仔細地看了那些裝飾品，它們都是面目猙獰且從未看過的珍禽異獸，但他並沒有多理會，繼續走他的漫漫長路。

不知過了多久，啊水感到有些口乾，停下來，並取出水喝。但在這時，啊水前後空間突然出現兩道牆壁，把他困在其中，然後牆壁上出現了數支噴槍口，並噴出了一些煙霧。啊水不小心吸入了那些煙霧，隨即倒下了。模糊之間，啊水好像看見有一人馮空出現在他的身旁。

當啊水再次醒來的時候，便發現自己身處在一叢林之中。啊水剛從那片叢林中起來時，便聽到陣陣吼叫，這不禁令他感到戰慄，但在沒有選擇的情況下，他亦只好抖抖地起來，並四處張望，警戒著周遭，以防突然有不知明的物體向他撲去。

果不其然，在他向後看之際，有一臉露獠牙的黑影向啊水撲去，雖啊水早有準備，但不禁亦有些慌張，手忙腳亂地催動氣息抵擋。然而，啊水的「氣化轉換」並不熟悉，加上事情來得突然，令他未能成功催動氣息。