付費限定文章

《中環攻略》之四：第一章：銀行 ｜ 零售銀行：前舖 ｜ 電話銀行

喺未有互聯網、電郵以至手機 app 之前，電話應該係除咗面對面之前，最方便快捷嘅聯絡方法。唔方便行落分行排隊，咪打個電話搵職員問嘢囉。好合乎邏輯嘅。

其實，每一間銀行嘅分行都有電話號碼，差在你知唔知道。如果每個街客都有分行電話號碼喺手，郁啲唔埋就撥個輪問長問短，咁樣通常只得兩個後果：一係分行電話永遠打唔通，二係分行所有人手都去晒聽電話，冇人招呼行入嚟嘅貴客。對於銀行內部嚟講，分行嘅電話打唔通都好麻煩，因為有時有啲申請表或者一啲物流嘅問題，始終需要用言語去解釋同解決。