歷史上的三權分立

2020年9月4日 1033

由正苦從新演繹嘅三權分立爆出後，好快有人已經將1997年出產嘅1997年香港回歸大典，當年真係寫住“三權分立”。

正苦真係太過玻璃心，好似我呢種咁嘅人，字都唔識多隻，咁就好自然用字面去理解，即三權，立法、行政、司法，各自分開獨立運作（分立）。咁樣去解釋有乜嘢問題？香港就係有呢一個咁接近西方國家嘅機制，所以先得到咁多外國嘅信任。

我覺得以前嘅香港好安全，响立法方面，有立法會把關，建議政府修改未能完善嘅政策或法律，行政方面，有各部門去實施已通過咗嘅政策及法律，司法方面有我哋嘅法院去確保政策及法律不會被濫用。呢一個制度嘅目的就係避免有人胡亂解釋政策或法律，從中令自己得益。當然我哋偉大嘅祖國，唔會任由我哋自己話曬事，祖國授權咗香港嘅法院有釋法嘅權力，而祖國嘅人大就獨有最終嘅釋法權。到現時為止，以我一知半解嘅概念，都可以解釋得到，起碼有自由空間，去做自己想做嘅事。

自從柒婆講咗三權沒有分立之後，一眾政府跟班官員就出嚟為佢護航，不過越係解釋，件事就是越複雜，好似法律界咁，如果要配合，禁蒙面法不應該違憲。不過，我哋嘅行政部門就相當配合正苦，出盡全力話畀人知，順我者生，逆我者死。另外我哋嘅司法部門都不遜色，積極幹擾司法體制。我哋雖然司法獨立，不過你都要入到法庭先至有得獨立。