【成語典故】「十惡不赦」有幾惡 又有邊「十惡」？

以後會定期有聲演版本！！
懇請薯友們多多支持！！

支持訂閱【JU史講史】YouTube頻道

喺形容一個人罪大惡極、無法饒恕之時，好多時候都會用到「十惡不赦」呢個詞，咁到底「十惡不赦」當中所講嘅「十惡」有邊啲？做過咩事嘅人先會「十惡不赦」？今次JU史就同大家講一講啦！

「十惡不赦」顧名思義就係有十種不能饒恕嘅惡行，之不過其實呢十種惡行喺唔同朝代亦都有所不同。最初所講嘅十惡係喺《北齊律》當中有規定，「一曰反逆，二曰大逆，三曰叛，四曰降，五曰惡逆，六曰不道，七曰不敬，八曰不孝，九曰不義，十曰內亂」。後來去到隋朝，北齊原有嘅法律亦都被採用，十惡就變成「一曰謀反，二曰謀大逆，三曰謀叛，四曰惡逆，五曰不道，六曰大不敬，七曰不孝，八曰不睦，九曰不義，十曰內亂。」

而後來隨住佛教傳入以及興起，「十惡」亦都因此產生變化，而呢「十惡」分別就有殺生、偷盜、邪淫、妄語、兩舌、惡口、綺語、嫉妒、瞋恚、驕慢邪見為「十惡」。

所以，如果要鬧人「十惡不赦」，都真係要睇清楚啲罪行嚟鬧！

圖片為Ju史自行製作

【成語典故】延伸閱讀：