渺小？

其實我真係一個可有可無既人，返去阿媽度住幾日，比姐姐小，比阿嫂無視，由於阿嫂唔想同我講野，佢派左我阿哥黎同我講叫我去租酒店住，事關覺得我返黎住即係搞著佢，搞到姐姐workload多左喎。。。

住酒店囉，叫我住晒咁多日，邊有咁多錢呀？為左你個工人workload少啲所以我要租酒店，首先，佢淨係幫我洗2件衫，飯我食自己，食完我又係自己洗，底衫褲我都係自己手洗，我連褲都費事叫你洗，我著牛仔褲返黎，我真係唔理解workload多左去邊？係既。。。兩件衫真係好多，又好重。 返黎香港好似過街老鼠咁，朋友又唔多個，基本上我都冇同人講我發生左咩事，其實我想返日本多啲，雖然我望住妳既野我會好易喊，但總好過係香港阻住晒。

以前我覺得我屋企好warm，老爸錫我，阿媽長氣啲，但都錫我，同阿哥關係又好好，有個好愛我既女朋友，但直到而家，老爸唔在世，阿媽依然好長氣，但變得唔聽人講，阿哥結左婚成日都要睇阿嫂頭，比面口我睇，連女朋友都因為我做錯野要離開我了，究竟我為咩仲要係度？

最近我仲知道妳既屋企人一個又一個咁block我，其實唔使block我丫，反正大家都唔想見到我，等如我既理論，呢個世界得我最慘既咁我死左佢咪冇最慘既人囉，咁既然大家都唔想見到我既，我自行消失咪得囉，唔使大家為左我大費周章做咁多野。。。

比自己心愛既人block左已經好難受，仲要比親人咁對待，我已經唔識形容呢個係咩感受，可能真係自己攞黎，我令妳咁傷心，係要受到一啲報應既。係未令到我傷心到絕望，未令到我痛苦到痛不欲生，未令到我煎熬到自行了斷之前，我既報應應該都唔會完結。

縱使而家既我係咁，但我對妳既感情，對妳既愛仍然冇減少，我仲會抱住一絲既盼望希望妳會返黎我身邊，但係我呢個人一無事處，我可以憑咩令一個被我傷害過既人返黎我身邊？我諗唔到。

怨恨唔可以化解怨恨，但愛可以化解一切，我可以用愛化解妳的怨恨嗎？