Day 13：《筆示驅魔傳》選段 (玩悲劇)

這個故事我會用輕鬧的方式來作描述，主要原因是希望可以將它寫成一個悲劇作終結。未知結果會是如何，這是對我自己一種挑戰。我不是不懂寫悲劇，只是我習慣不想太消極，但在設定人物時，或多或少已經決定了悲劇的主因，而在每個單元故事的最後，我亦想反映出一個要點，「世界就是不完美，有好的人就可以了」，這跟我最新的愛情故事想帶出的是同一個訊息。

第一章：我有我寫故，妳有妳驅鬼 (五)

//……

於是我地兩個就望住陳生，由腳開始慢慢霧化，飄到門隙到滲咗出去，離開呢個世界。

「其實……我唔係好明……點解佢……可以咩都唔知，但……又咁就走咗去？」

我有小小辛苦，如果大家重記得我嘅狀態。

「當一個人死咗之後，如果佢嘅執念化解咗，就會搵到一條可以離開嘅路，只係佢唔好彩，比頭先隻惡靈困住，迫到佢發癲迷失左自己唧……」

見紅毛仔咁感性，我唔係特別想講咩，但比佢一直坐住我身上，其實係有小小呼吸困難！

「……妳……可唔可落一落嚟？你坐住咗我……」

佢嚇一嚇，即刻企返起身，我終於可以透返啖氣。

「對……對唔住……我睇唔到你呀麻，你又唔講……」

係喎……佢盲左。

「咁……妳宜家諗住點呀？」

「……借宿一宵囉，念在我幫你驅鬼，比我係到訓一晚得唔得呀？」

我就無咩所謂，係怕佢介意即。

「你唔驚我……咩妳咩？」

佢聽到之後即刻作勢想打我。

「你試下！就算我呢世睇唔到野都電死你先呀！」

「我講下笑即……嚟啦紅毛仔，我住呢到樓上，比隻手我，我帶妳上去。」

「我叫Yui，唔係紅毛仔呀……」

「哦……Yui……」

於是我拖住佢隻手，放係我手臂到，佢捉實我，一步步小心咁行出門後，返到去我間屋到。

佢有佢訓床，我有我係廳，寫低今次呢個咁特別嘅事件，係關於呢塊銅鏡，同陳生嘅故事。

發生咁大件事，我真係訓唔到，雖然個人已經好倦，但見住Yui咁安心咁訓係我張床到，一啲不安嘅感覺都無，即係話我地宜家好安全，安心到，我慢慢咁……訓著咗。

係朦朦朧朧嘅過程中，我好似見到陳生好開心咁拖住豔紅，佢地終於可以離開呢個鬼地方，好老土咁係大街到食佢地鍾意嘅蔥油餅，兩個人窮窮地咁享受一個午餐，雖然……陳生其實都唔知豔紅係咪真係鍾意佢，因為呢啲其實都只係佢既幻想……//

(下回將介紹《格子控的執著》)