香港不能再亂

2020年9月7日

剛過去的星期日發生了好多事，話說昨天本應是立法會撰舉的日子，但正苦就因疫情關係，避免人群聚集，把撰舉押後了一年。本來我都接受呢一個藉口，但係轉個頭，正苦又話要做全民檢測。咁我又睇唔出，排隊投票，同排隊做檢測，都係人群聚集，兩者有乜嘢區別呢？輸打贏要。

越講越離題，昨天有網民藉著本來是選舉的日子出嚟上街，班癲狗就高調宣佈在各區部處相當足夠的鎮壓能力，見人就查，見車就截，濫用599G～即二人限制令。

當中最出眾的事，追捕一名12歲女童，及將她壓倒在地上，慶幸的是，冇用警棍撲佢，無噴胡椒噴劑。喂，大佬呀！佢只係一個小朋友咋，你一手都抱得起佢啦，做乜要將佢壓住喺地下度啫，搞到佢手腳擦損受傷。之後仲湊夠數票控佢哋599G。你哋都唔係第一次咁樣對細路㗎啦，上次嗰個著住校服嘅中學生，你哋都已經係咁樣對佢，當佢哋真係慘賊樣去捉。有好多專家都講過，面對住惡狗，千祈千祈千祈唔好擰轉身跑，啲狗會當你係一隻獵物咁樣去追，原來係真嘅。

同日，因為一位巴士司機對狗態度唔好，就拉佢告佢危險駕駛，加上佢帶咗個有外置濾芯嘅豬嘴，及背囊有一支士巴拿，就加控佢藏有攻擊性武器。好快巴士公會都澄清，士巴拿手掌咁長到，係佢哋開工其中一支工具。呢位巴士司機嘅駕駛態度好唔好，要睇過佢車上面嘅行車記錄去先知，不過好肯定就係因為佢嗰個豬嘴，加上一支士巴拿，就告佢藏有攻擊性武器，肯定佢哋都係會同你講嗰句：“有乜嘢同個官講”。

同日，踢保踢保踢佢老母嘅快必，譚先生再次被捕，因佢發佈咗兩篇文章喎，所以告佢刊登，發表煽動文字罪。自從反修例運動之後，我都學識咗好多檢控罪名，有啲罪名闊到阿媽都唔認得。

今日真係忙，個腦超出負，再次有好多好難理解嘅事發生。