關於搵工(FB Page Post 抄錄)

見到有師兄分享返工，講下搵工同學野（講技術），其實兩者冇conflict ，啲老屎忽成日棍鳩你第一份IT工要唔怕辛苦，因為學到野，又係忽悠。

拿拿拿，點樣學野之後先講，呢啲天資性格，語文能力緊要過努力。你返好忙既工，係咁趕工同Debug學條毛，debug雖然話好難避免，但程式設計得唔好，就更多bug，而且更難debug，向code海做呢啲野，係學唔到野。唯一話學野係testing，但真係好悶，件野唔係自己寫，testing更悶更難入手。

Hea工就唔同，大把時間學自己想學既野，仲而hea公司通常都有資源。仲有機會自己lead住做，hea工鬼同你爭咩？其實你勁唔勁係相對既，個世界永遠都係一山還有一山高，我就夠瞻講財經都唔敢講IT，因為IT真係太多高手，炒股？九成人輸錢，定期已經勁佢哋好多。要做IT一帆風順，首先要避免同事間技術競爭，因為大家返工係求財。要避免競爭，就要唔好去打真軍既IT公司返工，你去茶記搞IT，一定最勁係你，然後向水吧學識沖奶茶既絕技，再返IT公司朝朝為老細準備杯香滑奶茶或咖啡，識唔識寫code係咪真係咁重要？（茶記只係比喻，實際可能係去電子廠搞web，去寫application 既公司搞sensor，咁咪容易獨當一面囉）