Disney Summer Party 2024 消暑攻略

香港迪士尼樂園由依家至9月1日推出夏日限定主題活動。今次消暑攻略主要針對樂園及酒店限定活動。同大家一齊過一個涼快夏季。適逢唐老鴨九十大壽慶祝活動會去到7月7日。當中主打出場人物就係仲夏之史迪仔。除咗有Pixar水花大街巡遊表演，奇妙唱遊大冒險及阿德爾王國夏雪節。

樂園篇

奇妙城堡夏季版尋夢奇緣，會有噴水特效。前排三行可能有機會濕身。

水花大街派對，每日表演兩場。6月21日首場蘇雅琳及一眾腦朋友聲優演員主持開步禮。今年夏天有新加入成員阿怒。特別鳴謝 Sharon Ho 借出照片。

奇妙唱遊大冒險，表演場地係 Moana 劇場。故事劇情加入迪士尼故事音樂劇去呈現。舞蹈員同現場觀眾互動，精彩萬分。不過遊客請注意，前排三行可能有機會會濕身。今年奇妙唱遊大冒險，Rapunzel 公主取替路易王戲份。

夏日最佳下午茶

係大街雪糕屋，買返杯🍦Olu Mel軟雪糕，個軟雪糕賣$68。係巿集廣場嘆返個唐老鴨窩夫餅、青提子星冰樂及雞肉夾牛角窩夫。如果嫌個軟雪糕細，可以前往小小細界雪糕屋，嘆返個$110意式雪糕船。個人建議可以自攜去笑匠餐廳慢慢嘆。

係Toys Story Land，個人建議係翠絲小食亭嘆返杯🍨反斗奇兵沙冰。限定小蛋糕會以time release 方式發售。如果想購買最新腦朋友商品，可以前往反斗奇兵俱樂部商品部選購。

Meet & Greet

一眾迪士尼朋友係係樂園同大家合照。想同史迪仔合照，只限於6月26至29日。

迪士尼星夢光影之旅

全晚最精彩節目就係迪士尼星夢光影之旅煙火表演。如果賓客想購買VIP尊享區域去觀賞煙火，可以登入官網連結去購買大冒險家餐廳冒險家半自助晚餐連「迪士尼星夢光影之旅」特別觀賞專區入場套票。

完整攻略：https://chieformula.com/2024/06/23/disney-summer-party-2024/