遠走高飛

2020年8月14日 心灰意冷

當置身於風眼中心，四周風平浪靜，但要知道風眼外圍風高浪急。當離開風眼圈，小不欠會被牽連。但係我呢啲小市民會有幾多影響，腦海立刻浮現左山竹過後的反工慘況，但係都要死出去反工。最終反到公司嘅人，老闆唔會讚你；在路上半天吊嘅人，老闆話你明知咁多人一齊反工，你唔早啲出門口；無交通工具去反工而索性返返屋企嘅人，老闆就會話今日就當你請假。

即係好似行過敏感地區，班癲狗就話你好行埋黎；班癲狗橫衝直撞話去執勤，就話你阻差辦公告你；姐你頂撞兩句，直情射咗你胡椒噴劑先…

而正苦政策，行為大傾斜，立法會有反對聲音就滅聲；政策通過唔到，就想盡辦法避開反對聲音，甚至直接等阿爺頒布落嚟。我唔想再為呢啲人去建設一個走樣嘅香港。

自從國安法通過之後，好似而家打緊呢份嘢，可能隨時已經被監控，人未出街，稿未見光，已經被人鎖左。呢度，個問題既係點解我仲會去寫呢篇嘢！你會諗：“如要用咁多時間去寫，不如用黎搵錢好過啦”。但係政局不穩定係會另人擔心，就算揾到幾多錢，都要有命享。要生存就要去適應環境，是理所當然，不過有時環境變化得太犀利，不如放棄呢個環境，遠走高飛，從頭開始過吧！