《#性事傳紙仔》- 二元性別以外的情趣玩具

撰文// 馬天娜

好多跨性別者和性別酷兒喺選購性玩具嘅時候會遇到困難，因爲先不論店家會唔會假設玩具嘅使用對象（好多廣告都係以取悅男性，買俾女性做切入點），好多性玩具嘅設計同配色都同性別刻板印象有關。喺性/別表達光譜遊走緊嘅朋友們，尤其係用緊荷爾蒙、或者做過手術嘅朋友，因為身體的轉變（特別係性器官），有時候見到啲玩具可能會覺得難入手。今次同大家分享下6款使用上比較有彈性的玩具/工具類型。試下、諗吓，性趣可能就係咁黎 :D

（此post圖片只作款式參考，並無業配)

跨仔們因為下身尺寸的關係，唔方便用固定直徑嘅陰莖環，可以試下可調節環（adjustable cockring）。尺寸鬆緊任你調節，用嘅時候就唔會滑落黎之餘，仲可以因為限制血液循環，可以見到自己下身暫時漲大左嘅視覺效果。記住呢種環唔可以長期戴住，用20分鐘就好啦，一覺有麻痹就要停。

用緊荷爾蒙嘅朋友，除左會影響性慾，潤滑分泌都會有變化。所謂「注射器」係無帶針頭嘅版本，用途好簡單，就係將多啲潤滑劑注入你會用到嘅窿。免得你又要擠落隻手之後然後要搽入去仲要重複好幾次。就係咁。

概念好似係縮細版嘅車胎XD，運用矽膠環嘅彈性，減少活塞運動時候嘅衝力。（真係唔好再以為長就係好）

術後跨女們的陰道可能會比較短，用起一般內用棒狀道具（按摩棒/擴張器）時會較容易發生「撞牆」嘅不適，使用呢類可以自己調整厚度嘅緩衝環就唔使下下自己好有意識地就住就住。

菊花我地個個都有。既然係咁，不如就試下肛門刺激啦！

有好多人覺得肛門污糟，但係只要你刺激當刻唔係有便意，事前有清洗，就咁用個plug其實唔會有「顏色」出現。要再乾淨D嘅話可以用埋安全套笠住。長氣都要提：肛塞係有一個底座㗎！

肛門括約肌係非常敏感嘅肌肉，塞入去前請你記緊用適合潤滑劑，然後慢慢放入去，經歷過一段好特別嘅感覺之後，再慢慢體驗下菊花俾你嘅反應 :)

過渡中（Transitioning）同埋Gender Fluid嘅朋友仔如果你唔想下下都要靠一支支嘅震動器刺激，可以考慮平面形狀嘅震動器。通常呢類玩具好似一塊軟墊中間加一個震動摩打，你可以就咁放上你想刺激嘅地方，將佢捲起黎滑動。又可以sip入去穿戴褲裡面震動刺激。

呢種自慰套同素肚、女優名器唔同，呢種套短好多，內側有好似肋骨咁嘅結構，配搭水性潤滑劑，使用方法就好似打飛機咁，利用真空吸吮刺激跨仔下身。