驚驚袂著等/閩南語演說稿

可以接受委託

還記得在國中ㄟ時陣，老師尬我報名英語演講比賽，彼時陣若想到這件代誌，就歸粒頭殼貿ㄌㄟ燒。真正是自找麻煩。啊，應該是老師尬我找ㄟ麻煩。

乾哪想到愛踦咧一陣專家老師ㄟ面頭前講英語，擱乎人金金相。一定是漏氣露搭，漏氣漏到美國去了。連半暝啊也會夢到老師ㄟ目珠青任任，眼神未輸千刀萬箭射過來。啊我是一箍柴柴，踦咧哪青仔欉，哪電火柱子。喉嚨哪親像梗到麻糬話講不出來，喙瀾嘛吞不下去。土腳若有孔，我一定尬依鑽入去ㄟ。

日有所思，夜有所夢，其實我家己嘛沒發見，我哪來哪未曉笑，目頭嘛強強要打死結。一咧面拗嘟嘟。其實自細漢，我就是一位古錐又閣蠻皮的小姑娘仔。樂天又擱愛笑。逐家攏叫我「大小姐」，佇厝裡我是無法無天，「咤ㄏㄨㄚˋ水會堅凍」的查某囡仔。

彼幾天，爸爸媽媽發見我沒啥共款，過樣過樣。他們就開口問我，啊我嘛是進沒步退沒路啊，沒法度，舊攏總講講出來了!

想不到媽媽笑笑咧說，你就尬評審因大家當作是柴頭ㄤ仔，大膽去講。我是聽了直晃頭，柴頭會笑，ㄟ震動，啊擱會講話..這步沒效啦!

這時陣，阿爸走過來，輕輕啊坐在我旁邊講說:驚驚哪ㄟ得等，殘殘尬撩落去。你有想過你身邊ㄟ水姑娘啊，就是你媽媽，嘛是阮某。彼時陣，她去到尼泊爾/唸英文，尬我熟悉，伊好大膽，竟然敢嫁到我們這個鋪外路ㄟ山尾頂。彼時陣，他就說了這句(驚驚袂著等)，當時我聽沒有，價濟年來我知影，原來就是要有勇氣，才有機會的意思。後來換我有勇氣來到這個生分，遙遠ㄟ國家，嘛無知頭路在哪裡，語言又不通。我就是學你媽媽當年(驚驚袂著等)ㄟ勇氣。你看覓，我臺語將到會牽絲，架ㄟ輪轉，事業也順適。人生的挑戰，永永攏是，要有勇氣。

乾哪想不是辦法。來，我們陪你練，俺查某囡仔甘會輸人。咱來練發音，看人ㄟ影片，安排課表，請老師指導……..。稍等一下，是我要演講，哪會認比我還個興企企。好好好，我來去練，嬤嬤，你ㄟ客人英語，阿爸，你耶尼泊爾台語腔ㄟ英語。可能沒啥幫助。我ㄟ老師有安排訓練，恁歇睏就好。

吼，這對樂天ㄟ夫妻，真正講未贏她們，輸他們真濟。我知影，驚驚袂得等。

面對挑戰要好好計畫毋免驚，盡力做完工課，就沒啥米通見笑的。自然咱一生就絕對不會後悔啊。 啊哪沒，吃老了後，心肝頭一定常常會想說，當初我若有安怎擱安怎，現在應該就不只是這樣啊。人生未凍重擱來，你還擱咧等啥米。來，跟我講:驚驚袂得等。