摩雲臺.Busan@同海雲臺齊名嘅打風好去處

廣東話旅遊資訊

今日帶大家去一個打風好去處。

名稱：Dadaeppo Beach／摩雲臺／몰운대

地址：Busan, Saha-gu, Morundae 1-gil, 73

摩雲臺

點解叫摩雲臺呢？

下回分解

我去摩雲臺正值強烈熱帶風暴卡努以時速約10公里，移向日本九州以西海域至朝鮮半島一帶，正正登陸韓國。我坐巴士到達嘅時候，估唔到有咁多人已經喺Dadaepo Beach隔離個「多大浦海岸公園」度散步。由於風暴嘅關係，入去摩雲臺嘅海邊步道都封咗。

我越過欄杆行咗入去摩雲臺嘅海邊步道，一路沿著海岸線，行到去花孫臺。沿途都見到有零星嘅居民走左入嚟，有個街坊仲隻腳而行，果然厲害！

係山上面噴面嘅時候，有部分市民都報以微笑，因為大家都知道我哋都係偷偷地走入嚟。

後嚟回程嘅時候，我見有一男一女（我諗係文化事務處之類嘅職員）到處叫啲行山客，話因為打風，係時候要離開公園山頭啦！但係當我返到起點嘅時候，見到中門大開，歡迎市民入嚟咁嘅款。確實係難以理解！

講開摩雲臺

介紹下佢嘅歷史

變遷

為咗保育位於蘭東江河口多大浦西南嘅海拔78米嘅摩雲臺一帶嘅自然景觀同俾市民提供休息場所，呢個地方喺1967年被確定同公布成遊樂園。而家係1972年被指定為釜山特別市嘅紀念物第27號，而家依然保留住呢個地位。

結構

摩雲臺遊樂園嘅總面積係50萬6184平方米，遊樂園管理辦公室喺公園嘅中心。而家通稱為摩雲臺嘅地方，原本有一個以摩雲臺為名嘅地方，另外東邊會有以觀日落出名嘅花孫臺同一個觀景台。而管理辦公室南邊有多大鎮東軒（Daedaejin Dongheon）[釜山特別市文化遺產第3號]，而外仲有紀念將軍鄭雲嘅鄭雲公純之碑[釜山特別市紀念物第20號]等遺跡。入面有步行徑，仲有休息場所，例如羽毛球場、長凳、戶外桌椅、涼亭、一個金屬樓梯、一個木橋等。而家仲有部分軍事設施，包括雷達基地、軍營同直升機場。

現況

摩雲臺遊樂園喺韓國釜山市沙下區多大洞第144號。摩雲臺嗰個名係因為佢喺蘭東江河口，而有霧同雲嘅日子會被雲層遮蔽，睇唔到，所以有呢個名。好耐以前就以個靚景色出名，同埋同太宗臺同海雲臺一齊被稱為釜山嘅三大臺。依家部分地區仲係軍事保護區，所以公園只可以係早上9點至下午6點之間開放。周圍仲有摩雲臺睇日落嘅觀景台、多大浦海灘、岩南公園同斗島公園等。

我再翻查資料，知道摩雲臺位於蘭東江河口最南邊，係同大海相連嘅地方。直至16世紀，呢個地方原本係個叫做摩雲臺嘅島，但之後蘭東江帶嚟嘅泥沙逐漸堆積，同多大浦連接起咗，變成陸地。上文提到，呢個地方地勢低，經常有霧同雲層，好多時會看唔清前方嘅景色，所以因為係霧同雲包圍之下，所有「摩雲臺」嘅名。多大浦同摩雲臺喺朝鮮時代係重要嘅軍事據點，1592年嘅壬辰倭亂時，呢度發生過激戰，而李舜臣就喺呢度領軍抵禦來襲嘅倭船，成就咗一幕歷史場景。

我想特別一提嘅係，沿著海岸線行到花孫臺嗰個觀景台個位置係最靚。佢寫住係軍事基地，但仍然中門大開，喺燈塔位置望落去，蔚為奇觀。可以見到對面嘅Gyeongdo島同埋등대(light house) 몰운대。

Gyeongdo

등대(light house) 몰운대

另外，嚟開摩雲臺，當然建議你行一行多大浦海岸公園、

Dadaepo Beach同埋天鵝生態路。

我相信晨曦、白晝同埋黃昏嘅時候，摩雲臺、多大浦海岸公園、

Dadaepo Beach同埋天鵝生態路嘅風景都有唔同嘅變幻同特色，不容錯過！

請支持我：

買件T-shirt👉https://storeAN.redbubble.com

買杯咖啡👉https://ko-fi.com/lawan

睇個video👉https://www.youtube.com/channel/UCf3bmlDtj4yDQqFxzcOZVyw