來自blogger貝星人的移英三年感想︰

．有移民後，自己要放下身段做勞力工作亦有心理關口，家人唔適應新生活，事業型女性忽然日日坐喺屋企煮飯做家務，覺得唔及香港生活好。

．有唔捨得香港好親密嘅屋企人、有份好工好人工、有好多朋友嘅多姿多采生活，嚟到一個照顧三代幾口，情緒低落。

．有舊同事嘅朋友移民曼城，話如果有工介紹就介紹下，都想有份收入咁。

．有朋友嘅舊同事嘅朋友 (係...好多重) 嚟咗曼城，話一個女人嚟到，又好似有啲抑鬱，問我可唔可以照顧下。(「照顧」呢兩個字責任好大，何得何能，我都係喺英國學習做個真正成年人照顧自己，但你話當交個朋友，有嘢佢想知佢想問的話，我答下當然無妨)

．有人寡佬一個嚟到 (60+退休警) 話嚟到搵唔到好工做，只能去超巿做執貨。(但呢個年紀喺香港都只能搵看更、的士司機嗰類？去到新地方，又有啲年紀，應該要有心理準備搵工有限制？)

．有香港嘅朋友話諗緊走，不過未決定去咩城巿，但就話一定唔係去曼城，亦話唔想做返老本行 Account，想試下搵近工，開展新生活。

https://medium.com/chez-moi-cest-la-b/%E6%9B%BC%E5%9F%8E%E5%91%A8%E8%A8%98-black-friday-%E8%A1%80%E6%8B%BC-outlet-b350cc0ce333