天氣咧冷，也該是時陣辦活動矣

我已經欲二個月無辦，除了二冬的無進展以外，著是咧想欲按怎表達。 #Sppabc 作為大綱：性不別愛無主的意義欲予熟似佮認同這个詞的人定義，來去推捒宣傳。看起來目前干焦我，所以我愛不斷擲出基本框殼：佇人類攏免為生活討趁的前提，利用現有科技建立通解決地球問題，自己自足的永續城市。藍圖佇The Venus Project的Resourced Based Economy：資源導向型經濟內底有完全的解說。伸的是島嶼人民敢欲予這个遠景實現喏：

https://www.youtube.com/watch?v=KphWsnhZ4Ag

遺憾的是這个島上無其他類似的想法，目前所有島民的文化內涵，包括數千年的古文明，攏無超越金錢的意識，所以才會重複發生苦難。愛解決人類問題，咱著愛先創造解決所有問題的理念，對這基礎出發建立群體意識，透過深度探討予想法成形，閣開始推捒宣傳。性不別愛無主隨著時間經過，內涵嘛會不斷的改變，但基本著是毋倚賴金錢的生活。咱數千年攏無法超越這个門碇，是時陣愛透過咱人類的所有工具去實現矣。但我知影這毋是簡單的代誌，咱閣來有一千偌年會進入意識轉變的時期，我會佇網路上繼續存在落去。