#日本弓道冷知識

持弓向靶時，弓身唔垂直嘅情況：

1. 弓身向射手正前方傾側，日語叫「弓が伏せる」 （yu ga fuseru)

2. 弓身向射手背後方傾側，日語叫「弓が照る」(yu ga teru)

「伏せる」係俯伏、向下之意，用來形容弓向身前傾側，好容易理解。

「照る」有照耀、晴天之意，呢個形容（弓身發光？）就有啲不明所以。

用「照る」來形容上仰，可能來自能樂。

日本古典歌舞劇「能」嘅主要表演者會戴上面具「能面」演出。演員嘅面部表情即使被面具所遮蓋，仍然能夠以同一副面具演繹唔同嘅情緒。咁係因為能面設計精巧，從唔同嘅角度望向面具會見到微妙嘅表情變化。其中一種變化係陰（曇ラス）同晴（照ラス）：

曇ラス係面具朝下，會顯現悲傷、陰沉嘅表情。
照ラス係面具朝上，會顯現喜樂嘅表情。

能劇演員透過頭部動作改變能面嘅角度，就能夠向觀眾展現出各種神情。

而「弓が照る」相信就係借用咗「照=上仰」來表達弓向身後傾側。