圖：湯惠芸
六月十二號，黑警喺金鐘做咗一大堆窮凶極惡嘅事。黑警向香港人開槍，向香港人發射催淚彈，向記者襲擊，諸如此類。黑警所作所爲，實在凶惡無比。
黑警窮凶極惡，係因爲黑警係屬於呢個不義嘅政府。任何政府，如果要管治民眾，咁就應該經過民眾同意。如果有政府未經過民眾同意，就擅自運作，咁個政府就係不義。呢個政府，未經過香港人同意，就橫蠻咁擅自運作，暴虐咁將香港人置於呢個政府嘅惡劣意志之下，險惡咁殘害香港人利益。顯然，呢個政府係不義。既然黑警係屬於呢個不義嘅政府，所以黑警就係不義。
黑警唔單止缺乏香港人同意，就粗暴咁擅自行動，黑警仲殘暴咁傷害香港人嘅身體。香港人喺六月十二號，受到黑警奸險咁襲擊。當日，黑警用槍射傷香港人嘅眼，用催淚彈刺傷香港人嘅鼻，用棍打傷香港人嘅身，諸如此類。黑警係嚴重危害到香港人。黑警所做嘅事，實在係窮凶極惡。
黑警當日殘暴咁對待香港人，就算係執行上司所命令嘅事，黑警所做嘅事依然係錯。呢個不義嘅政府，係未經過香港人同意，就狠毒咁擅自運作，所以呢個不義嘅政府所命令嘅事，唔係全部都應該服從。如果黑警選擇服從，呢個不義嘅政府所命令嘅壞事，咁黑警就係極度惡劣。同埋，效益原則先係道德基礎，而上司所命令嘅事，並唔係道德基礎。任何事，如果違反道德基礎，咁就唔係應該做嘅事。如果上司所命令嘅事，係違反道德基礎，咁就係唔應該做嘅事。如果做咗違反道德基礎嘅事，咁就係做咗錯事。當日，黑警就係做咗錯事。
香港人喺六月十二號被迫流出嘅血，已經好清楚咁證明咗，黑警係窮凶極惡。
