喺上集地磚選擇懶人包（一）同大家研究左幾項選擇地磚時要注意既事項，今日再同大家分享一啲有關地磚既小知識。
1.地磚防滑指數唔同既地磚都有唔同既防滑程度，以及適用既地方。現時香港地磚使用既防滑標準大多數喺德國規範標準DIN51130，而防滑磚中以R9為最低，R13為最高。呢個標準喺由專業人員穿著安全鞋喺不同油性物質以及斜度上實測而成。一般而言R9-R10已經適合家用，浴室等地方就建議使用R10以上防滑磚。當然戶主可以實地檢測，但要注意浴液對瓷磚既影響。
2.瓷磚色差由於瓷磚係燒製而成，不同批次燒製既瓷磚會有少量色差，並唔一定會同樣板一模一樣。 就咁將個別瓷磚拎上手可能未必會發覺，一旦鋪上地面拼埋既時候就會覺得好明顯，呢個時候可能就要做補磚既步驟。如果想減少補磚機會，補磚前應預先決定鋪法，鋪磚所需磚量亦應該由親身視察環境既師傅衡量，而非磚舖決定。
3.掃口粉喺啲咩？掃口粉正式名稱喺瓷磚填縫劑，用來填補瓷磚間既縫隙。由於縫隙之間有機會滋生細菌，令縫隙變黑。所以呢個步驟必須做好先可以保持家居地板美觀。使用掃口粉填縫可以比使用傳統白英泥有更高抗污性及防霉性。喺選擇上，如果喺屬於深色磚，要用比地磚顏色稍深既掃口粉；如果喺淺色的磚，要用比地磚顏色稍淺既掃口粉；如果屬於不深不淺色既磚，應選擇盡量與地磚顏色相近既掃口粉。記得要用送來既磚去比對掃口粉色卡既顏色，單看磚板顏色好容易會受誤導。
4.地磚出現彎曲問題？瓷磚有時會出現彎曲問題。如果瓷磚存放時剛好壓在最底，亦容易有彎曲既情 況。戶主需要收貨後及早驗磚，向磚舖反映情況。如果彎磚（超出2mm)既數量太多，就要整批換；如果並非太多磚出現問題，就可以將有問題既磚用於邊位，又或者更換個別磚塊。
相信大家對地磚既認識多左好多，如果想知道更多有關裝修上面既知識，記得要留意裝修防伏學院入面既課程啊～
本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。關键字： 裝修佬; 裝修; 地磚; 瓷磚;裝修案例;裝修公司推薦; 全屋裝修價錢2020
