珍寶海鮮舫沉沒，香港走資，個市玩完，所有嘢已經完啦!! 今日22年6月21，恒生指數今個月升咗超過 5%, MTD

香港恒生指數其實代表乜嘢呢？

多年前，我仲記得我剛入基金工作時，鬼佬老細叫我做恒生指數 HSI 成分股列表 Excel 畀佢參考時，我心入面其實係好震撼的，因為同我所想和一路認知的完全不同。

香港股票市場幾千隻股票，每天當中有升有跌，咁我哋點樣去量度究竟整個股票市場的表現呢?

恒生指數就引用了整個主板(mainboard) 上市中的六十多隻股票 (暫時性，聽聞未來會增至100隻) 去代表整個市場，作為一個指標。

這六十多隻恒指成份股, HSI constituents (講英文型啲) 通常都是市值最大 (Market Cap.) 和成交最活躍的先會入選。

理論上股票市值越大，佔恒指比重越高(weighted - average index)。

至於創業板(gem) 因為市值和成交太細就不講了。

//

恒指成分股每隔一段時間會作出檢討，會有新入選和被踢出。咁我當年點解覺得震撼呢?

因為去詳細睇恒指成份股個 list，我發現當中差不多七成, 70% 都是中國大陸公司，餘下的三成的香港股票公司也有不少，甚至大部分中國業務。

香港經濟，公司股票其實對恒指沒甚大影響力。

咁代表香港恒指其實大比例上反映緊中國大陸上市公司，中國經濟多於反映香港本地經濟，公司表現。

再細看成份股個list，我發現金融業和科技公司 已經佔了差不多超過 60 % 比重。

即是如果某日金融股和騰訊都是正數上升的，恒指基本上正數上升的。恒指是由這兩個行業帶領。中國升上，香港公司表現差，恒指都係升的。

你買恒指 ETF (如某一位香港老師經常提議) 其實即係大部分買緊中國大陸經濟，中國上市公司表現。

相反公平地說，如果沒有中國市場，香港整個股票市場又憑什麼市值 37.9 萬億元呢?

最後如果我想睇純香港上市公司的綜合表現，我可以點樣量度?

許多基金經理其實睇 “ EWH ”, iShares MSCI Hong Kong ETF。和恒指一齊比較股票市場表現。

#移民 #投資

//