【出奇的史】中國古人都飲葡萄酒？（聲演版本）

以後會定期有聲演版本！！
懇請薯友們多多支持！！

支持訂閱【JU史講史】YouTube頻道

正所謂「葡萄美酒夜光杯，欲飲琵琶馬上催」！最近JU史受朋友推薦，入咗幾支來自寧夏嘅紅酒，飲之前朋友就無啦啦吟咗呢兩句詩出嚟。

可能JU fans對葡萄酒嘅認知，大概都係嚟自法國葡萄牙澳洲智利新西蘭等地，即係大家成日見到嘅紅酒同白酒。咁古代中國出現嘅葡萄酒又係點嘅呢？有關葡萄酒嘅記載，早响太史公嘅《史記》已有所載，根據《史記‧大宛列傳》所載：「宛左右以蒲桃為酒，富人藏酒至萬餘石，久者數十年不敗。」蒲桃就係當時由依家中亞地區傳至西域同中原嘅植物，亦即係歐亞品種嘅葡萄。而受西域文化傳入影響，葡萄酒亦成為唔少達官貴人推崇嘅奢侈品。呢種風氣一直下傳至魏晉南北朝，到咗唐代，更加係葡萄酒釀造史上嘅輝煌時期，唔單止產量大，而且釀酒技術不斷進步，品質亦愈嚟愈好，唔怪得咁多詩人都會寫下葡萄酒响啲詩辭之上。

之不過，古代中國葡萄酒同依家大家飲嘅就相當唔同，主要係同釀造方法有關。相傳，古代中國釀葡萄酒方法分別有蒸餾方式製作葡萄酒，以及以酒壇當中，但就無咗今時今日流行葡萄發酵釀酒過程，所以今時今日嘅紅酒就應該同中國古代個啲好唔同。响網上資料就話，新疆維吾爾族嘅慕薩萊思，就保留咗最原始嘅古代西域葡萄酒製作方法，唔知係真唔係呢？

圖片及影片為Ju史自行製作

原文黎自https://www.potatomedia.co/s/a5ElvoFC

【出奇的史】延伸閱讀：