【new史新聞】澳大學驚發現 十字軍東征用「手榴彈」

以後會定期有聲演版本！！圖片及影片為Ju史自行製作，懇請薯友們多多支持！！

支持訂閱【JU史講史】YouTube頻道

繼續同JU fans們介紹世界上一啲最新嘅考古發現，中世紀時期十字軍就曾經東征，咁到底喺東征期間佢哋有冇用到「手榴彈」呢？呢個一直都係考古學界想解答到嘅問題，而近日就有新嘅進展。

據澳洲葛里菲斯大學最新研究發現，十字軍東征時期間好有可能使用過一枚「手榴彈」。喺一份1960年代喺以色列出土嘅11世紀圓錐形陶器碎片當中，研究團隊就發現到碎片薄壁陶片含藥物、香料等良性物質，而其中一份更加係含有硝酸鉀、硝酸鹽、硫磺、燃料等爆炸性物質。

基於呢啲物質，考古團隊就認為呢個陶器理應就係十字軍東征時使用過嘅一枚手榴彈，亦都同阿拉伯和十字軍時期文本中提到嘅講法相同，就係當時阿拉伯人借鑑自拜占庭帝國時代爆炸裝置，當手榴彈扔向十字軍要塞，真係估佢唔到！

【new史新聞】延伸閱讀：