見證鳥寶生命離開

有隻愛情鳥飛左入親友家窗台，由於屋企飬狗，唔敢放左鸚鵡入屋，隻鸚鵡飛唔到但仍然喺窗台行來行去，比水同麵包佢都有食。我有飬鸚鵡經驗，所以打算過去接走佢，未到前家人一直傳短片比我，見到鸚鵡好活潑，差不多到佢哋家時家人發現鸚鵡伏下無郁，到我到佢哋家時鸚鵡已奄奄一息，攞返屋企後都已平靜地走左。

我只見一面都已經好唔開心流眼淚，我家人更大衝擊。可能啲人覺得使唔使呀，以前聽到類似事情我都只會感嘆小生命脆弱。但當見證一只生命由活活潑潑到最後奄奄一息心裏好難受。家人一直回看短片都好唔開心點解會咁。我不繼安慰話鳥寶好幸福有咁多人喺佢生命臨終前咁緊張佢，又陪住佢一齊，好過自己孤獨喺山上或野外死去，可以開心上彩虹橋，但其實我自己都不能放下，一直到而家仍然。

願所有鳥寶都有愛佢哋嘅主人，開心無懮至上彩虹橋🙏