什麼是穩定幣？近排幣圈又有大新聞：香港穩定幣監管正式落地！金管局宣布《持牌穩定幣發行人監管指引》喺2025年8月正式生效，屆時只有獲得發牌嘅公司，先可以發行掛鉤法幣嘅穩定幣。但其實更值得新手留意嘅係，我哋日常點樣可以用得著？
一、什麼是穩定幣？
「穩定幣」（Stablecoin）就係價值穩定、1:1 掛鉤某種法定貨幣（例如美元）嘅加密貨幣。市面上最常見就係USDT同USDC，佢哋通常會聲稱自己背後有足夠資產支持。
你可以當穩定幣係幣圈入面嘅「電子現金」，唔會大上大落：
- 交易時唔使再轉fiat
- 存入錢包作價值儲存
- 可以參加DeFi賺利息
- 作為NFT或GameFi 消費貨幣
二、《穩定幣條例》，點解值得留意？
香港金融管理局（金管局）於7月29日發布《持牌穩定幣發行人監管指引》，喺2025年8月正式實施，重點如下：
- 只限「掛鉤法幣」嘅穩定幣（例如 USDT、USDC）
- 發行人需持有100%備兌資產，確保可隨時贖回
- 禁止發行演算法穩定幣（例如Terra UST）
- 強調透明度、儲備審計、用戶保護
- 涉及跨境支付、消費購物、留學轉帳等應用場景
對香港用戶有咩影響？
點解要理穩定幣監管？因為如果你係用戶，將來喺香港用穩定幣支付、儲值、轉帳，都可能會受到新制度保障。對新手嚟講係一個好開始，唔怕用幣冇保障。
三、穩定幣有幾種？
穩定幣主要有三種：法幣擔保（如USDT）、加密資產擔保（如DAI）、演算法穩定幣（如曾經嘅UST），各有唔同儲備方式與風險。
香港新法例只會承認第一種，即有儲備支持、可以隨時贖回嘅穩定幣。
四、點入場穩定幣？
我自己玩Crypto兩年左右，一開始梗係用USDT入場，當時唔識咩叫Layer 1、Gas Fee、去中心化，就知道USDT好似「穩陣啲」咁，唔會閃跌成半咁驚。
後來識得用USDC做儲值、參加DeFi（例如存入借貸平台賺息）、仲會留少少BUSD或DAI喺錢包做備用。
入場穩定幣基本步驟
下載加密錢包→轉入加密資產→ 開啟交易功能→設定幣對→確認交易
- 下載加密錢包：先喺App Store/Google Play下載一個平台，你可以揀CEX或者用DEX配合錢包。
- 完成註冊+身份驗證：CEX需要註冊帳號同通過實名認證；DEX就唔使，直接連接錢包即可。
- 入金：可用信用卡、銀行轉帳、點對點P2P買幣。
- 買入穩定幣：用入咗嘅法幣去兌換穩定幣，平台會撮合交易。
- 提幣到錢包：買完之後可以將穩定幣提去自己錢包，方便之後用作儲值、轉帳、投資等用途。
我而家用緊嘅係Bitget Wallet最近宣布與Plasma Network 合作，目的係拓展全球穩定幣支付網絡。透過PlasmaPay介面，用戶可以喺錢包內直接使用穩定幣進行全球支付，無論係跨境匯款、日常消費或線上付款都變得更方便。
如果想慳Gas Fee，可以用啲支援Gas Free嘅鏈，我上一篇文啱啱先講過什麼是gas fee，有興趣嘅話可以click返去，瞭解多啲，出手更醒目！
比起買比特幣、以太坊等波動幣，我覺得穩定幣係一個好入門嘅起步點，尤其係你仲未想冒風險，又想試下點用Web3錢包、點Swap，穩定幣係一條好橋。
五、穩定幣日常點用？
其實同平時支付方式差唔多，但係可以再安全啲，例如：
- 跨境支付：畀海外學費、轉帳畀外地親友
- 電子支付：直接喺網店／商戶用穩定幣付款
- 留學生活費：用穩定幣儲值錢包，再轉換當地貨幣
- 跨境打工收錢：自由工作者收USDT
對我嚟講，曾經用穩定幣（透過Bitget Wallet）幫屋企人轉帳去馬來西亞，速度快、手續費平，重點係收款人即刻就拎到，唔使等銀行過夜。阿J相信穩定幣安全儲值對我哋嚟講一定係一個好重要嘅功能。
總結
什麼是穩定幣？對我嚟講，穩定幣就好似幣圈入面嘅「電子八達通」，穩定、有信心、又唔洗擔心價值閃跌。香港開始實行監管之後，對新手嚟講，用穩定幣買嘢、儲值、投資都可能更加安全、方便。
常見問題
Q1：什麼是穩定幣？穩定幣會唔會升跌？
穩定幣係一種價值穩定嘅加密貨幣，通常係 1:1 掛鉤美元。穩定幣基本上唔會升跌，但前提係你用嘅係有儲備支持嘅穩定幣，例如USDT或USDC。
Q2：新手點樣開始用穩定幣？
你可以載加密錢包（例如Bitget Wallet），再將港幣轉做USDT／USDC，又或者可以嘗試用穩定幣做swap、小額轉帳、儲值等操作。Bitget Wallet入面仲支援Gas-Free兌換、穩定幣多鏈存取、NFT支付、memecoin熱點交易功能等，對新手嚟講係幾舒服嘅上車點。
