什麼是Gas Fee？｜加密世界裡「唔講唔知」嘅隱藏成本

2025/08/22 更新2025/08/02 發佈閱讀 6 分鐘

什麼是Gas Fee？呢幾年玩虛擬貨幣嘅人愈來愈多，唔論係買幣、轉帳，定係玩NFT、DeFi，係咪一定要畀Gas Fee？唔知你有冇發現，有啲交易費用好高，有啲又平啲，有時甚至「唔使畀Gas」。係咪平台收你貴就等於呃你？又或者轉幣轉得快就代表安全？今日就同大家拆解一下Gas Fee。

一、什麼是Gas Fee？

Gas Fee就係你喺區塊鏈做交易時，俾畀網絡嘅「手續費」。

喺傳統世界，如果你轉錢去人哋銀行戶口，銀行可能收你$5-$20嘅手續費。喺加密世界，因為冇銀行，交易係靠一班「節點」去處理確認，所以就要俾一筆費用，獎勵佢哋幫使用者記帳。呢筆費用就叫做Gas Fee（燃料費），形象啲講就好似你開車，車要行就要入油。

二、Gas Fee點樣計？點解有時咁貴？

Gas Fee嘅高低會根據以下幾個因素：

1. 用緊邊條鏈？

以太坊嘅Gas出名貴，一單交易可能幾十蚊甚至過百蚊港紙；但喺BNB Chain、Polygon、Arbitrum呢啲Layer 2或低費鏈，交易可能只要幾毫至一蚊。

2. 鏈上繁忙程度

好似塞車咁，越多人同時做交易，Gas Fee就越貴。例如有新NFT上市、memecoin爆紅嗰陣，Gas會升得好癲。

3. 落單快唔快

有啲平台要畀自己設定Gas價，出高啲自然排得前。但如果你想平啲，就要等耐啲，好似搭慢車。

三、點解有啲平台「唔使畀 Gas」？

呢個時候你可能會問：「我見有啲交易寫住Gas Free，係咪真係免費？定係暗藏收費？」

有啲平台會幫你「代畀」Gas。一些交易聚合器、或者平台活動優惠時，佢哋會吸收你部分甚至全部Gas費，等你交易體驗更順。

邊啲情況可以唔使畀Gas Fee？

我自己用嘅經驗嚟講，例如Bitget Wallet，只要滿足以下幾個條件，就有機會免Gas Fee：

符合資格，即可自動免Gas，有內建風控系統會自動識別交易狀況：

新手用戶／活躍用戶優先補貼
兌換金額唔過高（即小額交易）較易獲得補貼
每日 Gas Free 次數有限，先到先得

2.參加活動，任務獲得更多Gas補貼，定期舉行嘅獎勵活動，例如：

完成每日任務送Gas補貼券
參與空投活動會提升Gas-Free 配額
特定NFT用戶（如 OG Pass 持有者）享有更高免 Gas 上限

如果你使用最常用嘅鏈之一，例如Ethereum、BNB Chain、Arbitrum、Polygon、Optimism、Base等，會特別針對呢啲鏈做咗技術整合，同麥「Gas 補貼機制」，可以自動幫你吸收部分甚至全部嘅交易成本。對新手嚟講，係幾友善。

四、點樣可以慳Gas Fee？

新手如果想慳Gas，有幾個實用tips：

用低費鏈，例如Arbitrum、BNB Chain、Polygon
避開繁忙時間交易，例如唔好同NFT公售撞正
善用Gas Fee追蹤工具，例如ETH Gas Station
用支援Gas Free嘅錢包（例如Bitget Wallet）試下小額交易

五、Gas係用邊隻幣畀？主網幣、Layer 2、定係子網代幣？

唔同區塊鏈用嘅Gas Fee，其實未必都係用同一隻幣畀。大部分情況，你要用嗰條鏈嘅「主網幣」嚟支付 Gas，但有啲新技術或者Layer 2解決方案就會用其他幣。例如：

以太坊鏈：要用ETH畀Gas
比特幣鏈：就用BTC畀交易費
BNB Chain：就用BNB

但如果你喺啲Layer 2或者子網上交易，好似Avalanche嘅某啲子網，可能就唔係用主網幣（AVAX），而係要用當地特定嘅代幣先畀到Gas。如果你呢部分聽唔太明都唔緊要，一開始可以先揀啲常見啲嘅區塊鏈嚟用住先，之後阿J會再慢慢幫大家深入講解呢啲進階內容。

記住：交易前check清楚用邊條鏈，同埋你手上有冇啱用嘅幣，唔係就會「有幣都郁唔到」！

六、總結

玩加密貨幣第一步係要知道什麼是Gas Fee好重要，Gas Fee係你參與Web3世界嘅「入場費」，了解咗點樣收、點樣慳，你就唔會再因為驚貴而唔敢試。而家有啲錢包／平台都已經做得好user-friendly，如果你都想試下點樣用得舒服又慳Gas，可以試下Bitget Wallet，阿J我用慳返嚟嘅Gas Fee，真係夠搭多幾程地鐵，慳咗唔少交通費。

其實鍾意用Bitget Wallet嘅原因有幾個，除左穩定幣可以安全儲值，最重要係memecoin熱點交易功能，memecoin即時搵到，第一時間上鏈交易。