【new史新聞】知名團隊史詩級發現 翼展超10公尺巨型翼龍化石

以後會定期有聲演版本！！
懇請格友們多多支持！！
 支持訂閱【JU史講史】YouTube頻道

鯨魚、大象呢類巨型生物相信唔少JU fans都曾經親眼睇過， 甚至接觸過。不過如果JU史同大家講，地球上其實曾經存在過一種生物，佢龐大嘅程度係只要一張開對翼就已經超過十公尺，唔知JU fans又信唔信呢？ 近排考古學家再次有重大發現，知名學者Leonardo Ortiz嘅研究團隊就喺阿根廷搵到一樣距今8600萬年前、堪稱史詩級嘅重大發現。考古團隊就喺阿根廷中部嘅荒野地區搵到巨型翼龍化石遺骸。一般嘅翼龍大概就只有４至10公尺咁大，但今次發現嘅遺骸據推算單單係張開雙翼就已經可以超過10公尺，真係誇張！ 今次研究團隊就發掘到超過四十幾塊骨骼碎片，仲將呢種巨型遠古翼龍命名為「死亡之龍」，通過重建推測構圖，考古團隊就發現翼龍嘅骨骼係空心，呢樣發現亦都證實遠古翼龍確實可以衍化成為現代鳥類，真係估佢唔到！ 圖片為Ju史自行製作

原文黎自https://www.potatomedia.co/s/be9ryvlY