Grief

知道經理嘅爸爸因癌病走左，年紀唔係好大。最慘係曾經有個醫生在初階段時警告過有可能係嚴重，但經理揾左second opinion 後後者認為無乜問題。大部分人都係忌疾諱醫，而且後一個醫生較有權威，所以初期大家無理跟進個病，覺得好似好啲就不了了之。

而家除左擔心經理傷心之外，更擔心佢會自責。好想同佢講，連權威醫生都睇唔出嘅病况，佢又有乜能力去阻止病情惡化。

想同佢講，除左心會痛，你會發覺點解週圍嘅人生活一切正常咁，繼續嘻嘻哈哈，好似乜嘢都無發生過，但其實有一個對你好重要嘅人喺世上消失左，點解無人會關心去惋惜！

只有時間可以幫到佢，希望佢可以有人陪伴佢度過呢段艱苦時候🥺