定位

我仲係未明，之前仲好似幾好嘅朋友，偶像活動上一齊行慈善行，演唱會上都有一齊打卡。上次睇戲諗住送偶像背囊比大家以為佢哋會鍾意同感激，收禮物時只講左句多謝。又以為可能佢哋返到屋企拆禮物後會send message 表示興奮，但一啲聲氣都無。今日喺 group chat 知金毛今晚睇林公子演唱會，我即答我都係，金毛完全無視我回答。我再一次懷疑自己人緣。

其實我係咪成日一廂情願，當日共侍一間公司揾我食飯係收下風揾下人陪。而家大家都離開左就無乜利用價值。我估我送過個背囊比佢佢都唔記得左。

我再一次投降。以前有朋友覺得我唔配做朋友，到而家醒覺左對朋友關心或氹下朋友送下小禮物，我當然明白唔係用物質去交朋友，但個背囊係大家偶像FC出，諗住一齊擁有高興下，但原來都係徒然。我認輸啦，唔再主動揾呢個人。