我什麼也不是

居然我坐正對面，得我同你食飯，我嗆到你當無睇到無問候無出手，遞杯水都無，我仲要自己打圓場話嗆到菜所以咳，你依然無理我。

上半場食飯係我不斷揾話題問你，問到我都忍唔住講話我好似主持緊志雲飯局咁喺到訪問你。如果你咁無心咁點解伙記收哂餐具你又唔嗌走？你連我生日都唔記得，唯一意外係你會問返我喺幾時，你連邊個月都唔記得，何必講，我咪會期待你到時會同我講生日快樂！

如果係勉強點解要出嚟見，見到又要冷淡，冷淡後又再提議再去打波？

人咁鍾意犯賤，到人哋厭棄自己自己先識醒覺自己犯賤。我只係希望，如果有日係世界未日，有一個人會第一時間想起我，會盡辦法去同我一齊度過最後一日。但可惜無，就算消防都只會第一個想起佢嘅仔女唔係我。就係呢種喺世界上我係孤獨一個，有咩事無避風塘去躲避，連最基本住同食都隨時無。我見到自己企喺一片草地，草係枯黃色，而草地只有我一個，我唔知應該向前向東南西北邊個方向去起步，所以我企左喺到想有人走埋嚟拖住我，帶我行去我可以去嘅方向。