搶先出閘

今日經理返工，我見佢入左 pantry 諗左幾秒好唔好走入去問候下佢，後來諗下，我改個 blog 名做隨心就係想依住我心想嘅去行動，唔好理人點諗，於是走左去慰問。感恩佢情緒還好都傾左幾句，我無法諗到任何說話可以安慰佢，只希望表示一點心意。事後我諗，我知自己走去傾計都幫唔到佢，我呢個行動係咪只係令自己好過啲做左好人。有時我會問自己當我幫人嘅時候，我係為緊對方，真係擔心佢哋，定係令自己做好人積下人緣。如果係後者好恐怖，後來發現除左行動，我會成日記掛住嗰啲人，心係擔心佢哋，我諗咁即係唔係完全偽善去幫人。當然喺辦公室嘅行為又另一回事啦。

有趣係我同經理傾完，似乎大家好蠢蠢欲動想向經理表示關心，send message 想約食飯，人哋仲邊有心情食飯，你想佢笑定喊好？佢哋出發點係乜我唔猜測，當食花生，公事嘅八卦可以做電視劇。