叫極唔聽

我都叫左Wai Wai唔好喺啲 social media度識人，佢以為IG撩佢啲人真係因佢張profile 相對佢有興趣，啲騙徒漁翁撒網，其中一個都有撩我我有自知之明唔係十八歲卜卜脆所以無蘇佢。

有乜可能咁多個都係亞洲人但又喺外國跟住傾一個禮拜就話愛你？係嘅話佢第日都好易愛上第二個，咁大個人仲會覺得只睇樣就鍾意你係無問題？上次個人話寄包裹要你贖都已經係一個教訓，有乜理由識唔夠一個月無端端話寄包裹送Chanel,iPhone 等等嘅禮物。

再對上一個叫你去幫佢比按金買樓你都應該即刻block佢但你仲要同佢聯絡。而家呢個新識嘅，話人喺香港唔約出嚟但又話鍾意你，不過要等事業好啲先見，咁即係等唔等你？我懷疑根本三個係同一個人用唔同身份呃你，因為估你遲早都會落搭。

Warn就warn左你，但唔好聽嘅說話你又唔鍾意聽，唯有祝你好運希望我估錯！