同兩個朋友去黃埔間酒店食 buffet,事前無睇清楚原來係有榴槤,我哋三個都唔食。我哋坐正甜品枱後面,而啲榴槤就放喺甜品枱。
本來我哋三個都無怨言要聞榴槤味,但隔離枱個對男女一開始就攞左好大碗嘅榴槤,個量係兩碗飯嘅量,我哋好奇怪佢哋點食得落其他嘢,點知原來佢哋生人霸死地攞咁多一直喺到擺,可能佢哋知酒店唔會refill 啲榴槤所以一早去攞。最乞人憎係到走佢哋食左一半都無,咁你就唔好攞哂留返啲比人。除左榴槤,佢哋每款蛋糕甜品都攞但就只食一啖就算。
我諗起有個故仔,有個女人死後要不斷食嘢,要食成座山咁多嘅食物,原來嗰座山全部都係佢生前浪費左嘅食物!