我身邊唔多人鍾意睇書,可能兩,三個,近來我又愛上左睇歷史書同中國文學嘅書,更加少人可以討論。早幾日聽到電台節目講三國,好多人覺得諸葛亮係最聰明嘅一個人物,主持人認為其實智者係周瑜。我想起好耐之前,我媽媽已經講佢喺三國入面最鍾意佢,覺得佢係最叻。
我突然覺得,咁多年嚟我只係識怪佢偏心成日打我,大過左後我又有幾可關心過佢。佢無乜讀過書但係好叻,每日睇報紙又成日睇書咁去識字,佢睇哂所有金庸嘅小說,睇好多古代小說。我相信如果佢而家仲喺度,我會成日同佢討論小說,問佢紅樓夢最鍾意邊個,有無覺得啲功勞比哂諸葛亮會好激氣,問佢有無睇過亦舒覺得佢係咪feminist,我估其實媽媽好寂寞!希望佢喺天上仍然可以睇好多好書,可以揾到志同道合嘅人同佢討論。
無話後唔後悔無同佢傾多啲關心佢多啲,已經無得講如果,只可以話佢一生坎坷,生不逢時,同無帶眼識人,令佢一生從來無得到真正愛佢嘅人。