都話政府部門階級觀念重,半政府嘅機構咪又係一樣。我初嚟報道,已經有人同我講話我呢啲喺私人機構做嘅人以為企出嚟表現自己就掂,呢度唔work㗎。喂,仲有無啲咁小學雞嘅人呀。好,開頭咪聽佢講扮隱形。而家做熟左我懶理佢,開會有問題我照舉手問,見到老闆行過撩佢傾計。
寫email 用"please let me know" 話係無禮貌叫人 report 比你,佢哋英文水準咁低居然話我啲英文。我喺外國公司做左咁多年呢句比大大大老闆都得,最多加多個 "kindly" 字。佢哋係唔係乜都加 thank you 先怪,明明係 update 緊啲 status 比對方,最後加個 thank you 做乜,一係用 thank you for your attention 。
講嘢都係㗎,老闆喺房打內線叫 pat pat 入去佢間房,pat pat 答:好呀,唔該~要拉長個該字。對啲上司係又唔該唔係又唔該,佢哋知唔知佢哋自己講乜㗎。仲有,對下又好唔同喎,擺哂官威。
Pat pat 每次入完老闆房又沾沾自喜,唉,世界係無秘密嘅,只係遲定早知啫!
可能世上一切有因果,pat pat 話自己覺得佢無生存價值,佢應該係好無安全感嘅人,拍手,有報應。