欺人太甚

仲以為上星期主動send message 比我，心中有我，仲興高采烈討論佢send 嗰個揾八處不同遊戲。星期日去上一日學裝修課程，影左相send比佢佢都立刻回覆，仲問起窗口漏水點算，我覆左兩個解決方法，雖然都係一般網上教嘅方法佢都應該已知，但佢居然已讀不回。

昨日如果唔係問起佢今日約打乒乓波時間我都唔想再揾佢。佢問我請佢去邊度食，我明個場係佢租，亦可能佢覺得係佢陪緊我打波，但我退後一步睇返成件事，其實所有事我都係就佢，約嘅地方一定要方便佢，想打乒乓波自己卜場。佢一直無付出無關心，從來無問起過我私人嘅事，無興趣想瞭解我多啲。作為一般朋友可能已係好好，即係我只係一個一般朋友。但一般朋友都好點解我都好似成日坐緊下家。點解有事我錯少少嘢佢要好似好勞氣咁話我，我喺球場部機registrr唔到身份証佢就話我"你張咩身份証嚟㗎"，點解唔可以係部機有問題。

當我成日話Wai Wai 無哂尊嚴，我自己對住佢又何尚有呢？我再退多一步睇，我可唔可以平常心做普通朋友，如果佢可以平等對待我再考慮呢個問題啦。希望各位女士，首先諗清楚某人值唔值得你鍾意定係自己太寂寞。就算真係鍾意都唔好比人踐踏自己身體同尊嚴！