我的興趣

閱讀時間約 1 分鐘
我的興趣是畫圖,畫圖的時陣,心情會放輕鬆,有時畫甲誠認真,甚至袂記得食飯,因為咧畫圖就袂記得枵,親像囡仔咧耍手機仔仝款,定定耍甲袂記得時間。
其實我學畫圖才4年,我佇社區大學的水墨畫班學的,毋但水墨畫,任何畫法我攏有興趣學,頂冬阮遮的社區大學新開一門蠟筆畫的課,我嘛有報名上課,遮是線頂的課,每拜六下晡時,才食飽我就攢好等欲上課,一點仔就無想睏晝,因為我真愛上這个課,這位老師本身是一位建築師,講課誠親切,我無感覺壓力。
正港予我愛畫圖,毋但是畫圖的過程,佇畫好會使分享才是我上佮意的。有時陣共畫好的圖翕相,加幾字仔祝福的話,當做早安圖,佇網路懸頂共朋友問好,誠濟好朋友真愛看我畫的圖,若久無發圖予伊閣會共我討咧!
為什麼會看到廣告
    Jenny Chang
    Jenny Chang
    我五年七班,職涯31年又4個月(1988/3-2019/7). 專長:財務相關實務作業 興趣:國樂器演奏,水墨畫創作,寫作等. 喜歡認識新朋友!
    留言0
    查看全部
    發表第一個留言支持創作者!