付費限定文章

過時賣曆日

2022/8/8（一）

實際上我是刁工的，代誌過去才講，因為我歹勢，曷嘛毋是啥物好展的，我頂禮拜日去參加台語文的檢定考試。

入去考場坐電梯，我提手機仔從鏡內翕家己，想講戴帽仔閣掛喙罨，應該無人看會出我是誰？一到考場門口，看遮的欲考試的人，大部份攏是少年家，有的閣若親像囡仔咧，罕得看著一二个小寡仔白頭鬃的人，其中一个是我，我的帽仔更加戴牢牢。

好佳哉我有戴帽仔，教室內的冷氣直直對我的尻脊骿吹呢! 今仔日早起一起床，我就感覺頭重重，一定是昨昏考試吹一下晡的冷氣，緊來冲一壺好有茶，補充水份，看覓會較快活無？