1926 - 2022

2022/09/08閱讀時間約 2 分鐘
雖然年屆96,死亡已經唔係乜嘢新聞,或者冇乜震撼。喺倫敦街頭揸住架van仔嘅我喺收音機聽到英女皇逝世嘅消息,心裡仍然覺得戚戚然!世界潮流係乜?問英女皇啦!佢應該最唔清楚。世人日夜靠tg、ig、twitter溝通,我諗佢應該仲係用緊飛鴿傳書同朋友溝通。講到生活同埋婚姻模式,佢屋企人夠晒潮,細妹瑪嘉烈公主迷人嘅外貌同埋頂尖時尚品味成為當時社會嘅指標;大仔查理斯王子(而家已經係國王)有咁靚嘅戴安娜王妃都唔要;女皇嘅孫哈里王子更退出皇室工作,唔再用殿下頭銜......你有你精彩,英女皇依然做返自己,繼續做好睇實大英帝國皇朝嘅工作。乜嘢工作?咪就係委任首相囉,係15任首相喎!一啲都唔簡單!睇番佢幾日前委任現任首相Truss嘅時候嘅相,再對照返女皇當年委任Churchill嘅時候嘅相,相映成趣。當時英女皇非常年青,腰板挺直,Churchill神高神大,見到女皇都要烏低個身,好似小學雞比中學生欺凌咁款;Truss個子唔細粒,見到女皇冇彎腰低頭,腰板挺直,反而女皇年紀老邁,腰板挺唔直,貌似向首相低頭。但係又如何,你仍然都係要來見我,要等我委任你。無論係直到攣,或者攣到直,都係女皇玩晒。英國無論上上下下,老邁年青,喺早前嘅街頭訪問入面都真心敬佩呢位為大英帝國馳騁咗70年嘅英女皇。乜嘢係世界潮流?可能係人哋做唔到,我堅持做到,就係潮流。
雖然年屆96,死亡已經唔係乜嘢新聞,或者冇乜震撼。喺倫敦街頭揸住架van仔嘅我喺收音機聽到英女皇逝世嘅消息,心裡仍然覺得戚戚然!
世界潮流係乜?問英女皇啦!佢應該最唔清楚。世人日夜靠tg、ig、twitter溝通,我諗佢應該仲係用緊飛鴿傳書同朋友溝通。講到生活同埋婚姻模式,佢屋企人夠晒潮,細妹瑪嘉烈公主迷人嘅外貌同埋頂尖時尚品味成為當時社會嘅指標;大仔查理斯王子(而家已經係國王)有咁靚嘅戴安娜王妃都唔要;女皇嘅孫哈里王子更退出皇室工作,唔再用殿下頭銜......你有你精彩,英女皇依然做返自己,繼續做好睇實大英帝國皇朝嘅工作。乜嘢工作?咪就係委任首相囉,係15任首相喎!一啲都唔簡單!睇番佢幾日前委任現任首相Truss嘅時候嘅相,再對照返女皇當年委任Churchill嘅時候嘅相,相映成趣。當時英女皇非常年青,腰板挺直,Churchill神高神大,見到女皇都要烏低個身,好似小學雞比中學生欺凌咁款;Truss個子唔細粒,見到女皇冇彎腰低頭,腰板挺直,反而女皇年紀老邁,腰板挺唔直,貌似向首相低頭。但係又如何,你仍然都係要來見我,要等我委任你。無論係直到攣,或者攣到直,都係女皇玩晒。
英國無論上上下下,老邁年青,喺早前嘅街頭訪問入面都真心敬佩呢位為大英帝國馳騁咗70年嘅英女皇。乜嘢係世界潮流?可能係人哋做唔到,我堅持做到,就係潮流。
    3會員
    79內容數
    故仔嘅專題包括世界國地旅遊熱點同埋秘境,有小鎮同埋城市,重要係包括當中嘅小故事。
    留言0
    查看全部
    發表第一個留言支持創作者!