亂讀新聞(二十四)
亂讀新聞(二十四)
2024年3月11日
1. 開始之前，都係例牌頭盔架喇，英國新聞我係自己譯，所有正確既報導以原文為準啊吓。(今次都係懶到直接copy and paste之前果句，哈哈。)
2. 威爾斯王妃尋日英國母親節公開咗張同仔女一齊影既相，因為係佢自從一月接受手術之後都冇公開露面，傳媒對佢既病情同埋點解唔公開露面一直有好多猜測，所以呢張相本身我諗只係凱蒂王妃諗住po出黎同大家打個招呼、祝下大家母親節快樂，叫做回應下大家既關心，幫啲傳言降下溫。(BBC)
3. 不過唔知啲人點解咁眼利，睇到幅相有啲唔自然，然後有五間international picture agencies (好似係新聞通訊社咁解？)驚啲相被修改過被"manipulated"心理操縱，所以就將張相下咗架。(BBC)
4. 我唔知英國黎講啲新聞用詞係咪正常，又心理操縱又要將啲相下架，好痴線。定係我啲港燦睇唔慣呢啲用字呢？
5. 比啲英國傳媒咁樣煲一煲，凱蒂王妃都要出黎道歉，佢透過白金漢宮既社交媒體致歉(express my apologies)，話自己都會P下圖，又同大家講多聲母親節快樂。(BBC)
6. 黎咗英國都一段時間，平時唔係好感受到英國人對皇室有啲咩好關注(至少公司啲鬼佬好少會講呢啲話題)，但有時一有啲大新聞，好似英女皇逝世、英皇登機呢啲，你就會感覺得到英國既王室係有幾多影響力。
7. 其實我覺得P下圖唔係咩大件事，佢又唔係將相入面啲人P走晒或者將自己P咗去第二度，老實講佢講完有邊度P過其實我都唔係睇得好清楚。
8. 不過觀乎BBC呢段Youtube新聞底下既留言，其實啲英國人(我假設啲留言既人係喇，唔係英國人既話我估對呢段新聞應該都唔會太過上心)都屌鳩啲傳媒冇人搵嘢黎講，屌佢哋逼到一個響手術之中康復緊既人出黎道歉。(BBC youtube留言)
9. 呢件事去到呢度都應該收科喇啩？
10. 返香港講少少特別新聞喇，就係天文台話香港響今日下晝1點22分，響大嶼山發咗咗一次2.0級地震，震源深度約10公里。對於香港人黎講，相信呢樣嘢都非常新奇…(獨媒)
11. 至於23條果啲新聞，聽到都真係覺得好難以想像…見律師唔再係必然既權利、收埋蘋果日報都可能犯法…呢個香港，已經唔再係我成長既果個香港…
#不專業專欄 #亂讀新聞 #英國新聞 #香港新聞 #專欄 #時事 #時事專欄
#skynews #BBC #獨媒 #獨立媒體 #威爾斯王妃 #凱蒂王妃 #P圖
#地震 #大嶼山 #廿三條
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
