琴日ceci講下佢喺馬來西亞嘅近況，講到佢有一日發現佢老公原來一直有去叫雞，叫足咁多年，又玩app裸聊，佢老爺奶奶又難頂，2個仔女又有問題，佢有嚴重depression，食藥肥咗30磅，又有suicidal thoughts。佢自己一個喺馬來西亞無人無物，但返香港又唔係可以解決問題，因為佢老母同我哋老母差唔多，以愛為名，將無限壓力加諸喺我哋身上。
佢講到喊，我都一齊喊咗好耐，到呢刻佢話未去到要離婚，我心諗，點忍，點解要咁委屈自己，好在佢而家讀緊full time psychology course，識到班朋友叫做有返自己生活。唉，好心痛，好心痛，見到佢過咁嘅生活我唔知點幫佢。每個人都有唔同嘅煩惱，我binge eating的飲食失調原來真係小菜一碟。