我以前唔知自己唔受歡迎,或者應該話係不受專重?總之大伙人活動,無人會問或介意我意見,我講嘢無人理,我只不過係一個可以夾下錢,篤下人數嘅同事或朋友。
曾經有段時間我為左咁唔開心,試過介紹兩個互相唔識嘅朋一齊去旅行,結果佢哋兩個friend左,我講嘢佢哋唔係好理我,我好嬲問其中一個朋友點解佢咁對我,佢話我講嘢聲音同內容悶,完全無打算同我道歉。
要經過左好耐嘅反思我先無將自己價值貶到好低。我承認而家對自己嘅價值都評為低,但未至於覺得自己好無用。近來陪伴左一啲朋友,家人度過艱難時候,我估仍然有人係愛我。我只不過係想多啲人喜歡我,或者討厭我還可,最慘係完全零存在感,我喺唔喺度都無人知。