點解要自動送上門比人奚落

我好似終於諗通，其實都唔再需要揾佢。如果對待我連一個普通朋友都不如，佢馮咩可以踩低我，佢無資格。

每次都係我就哂佢，雖然話租場費係佢比，但佢好意思每餐都係我比，男人老狗次次埋單都坐喺度唔郁佢唔會覺得好醜咩。

我使乜每次見面要講我去左邊做過乜，佢連取消旅行前一日我whatsapp 祝佢good trip 佢都唔講原來取消左都唔講。我做乜咁蠢揭埋條腸比人睇，人哋當八卦咋嘛，點會關心你。

真係非常非常之後悔點解要重逢，講到尾hurt 嘅又係自己，自己太cheap送上門比人奚落。要記住呢個奇恥大辱唔可以再犯。