親戚正式搬入新屋差唔多一個月。
整體嚟講，算順利。傢俬到齊、冷氣運作正常、收納系統亦慢慢上手。屋企人習慣咗新環境，日子開始定下來。
不過住落先知，有啲細節，其實早一點處理會更好。
✦ 清潔做得足，住落安心好多
首先係清潔。
之前搬屋前一星期搵清潔公司做咗一次全面嘅吉屋清潔，請咗專人處理埋啲高位、櫃底、抽氣扇同地腳線。當時都覺得有啲「太早安排」，但住咗一排之後，親戚話最感激嘅就係呢一步。
因為開頭唔會即刻執晒所有野，搬入頭幾日啲箱仲未拆，環境其實好易污糟。但基礎打得好，即使之後只係普通打掃，空氣仍然乾爽唔焗，連牆角嗰啲一向最易積塵位都保持得幾乾淨。
佢哋有次講笑話：「而家掃地都會望下牆邊，睇下仲有冇 ‘之前嗰班人’ 嘅痕跡。」
👉 回想起嚟，如果搬入時清潔只做表面工夫，後來真係會住得唔安落。
✦ 但某啲角落，原來仲有「居民」
不過唔係所有嘢都估得到。
大約入伙兩個星期後，親戚話夜晚廚房見到一兩隻曱甴，一開始以為係附近裝修地盤引起，但後來發現係廚櫃背、雪櫃底呢啲位，唔係冇清潔，而係根本冇辦法完全阻截啲細小漏洞。
講真，冇諗過新裝修單位都會有蟲。可能係工程期間入咗，可能係樓上樓下傳過嚟，唔好話「邊度乾淨就一定冇」。
嗰幾日親戚有啲不安，怕啲蟲亂走。
我建議佢搵滅蟲公司睇睇。後悔就係搬屋前冇順便處理埋滅蟲預防，以為裝修完＋清潔就等於「reset」，點知蟲比人早一步搬入嚟。
✦ 有時住落先知，但有啲真係可以預早做
屋企永遠係慢慢住，先慢慢習慣。
但有啲野，搬入之前做定、諗定，真係會少煩好多。
當於，世事很難十全十美。
雖然未必做到樣樣 perfect，但下次再有朋友搬屋，我就有多些經驗分享了。
