Tàu陣來問阮逐家ê阿母kap阿叔

聽故事 講台語

細漢ê時陣，會曉講台語，m̄敢講。大漢ê時陣，想beh講，soah 講bē出來。以前tī台灣，m̄敢知影家己是啥人，kan-na hō͘人教做是中國人。阮老母講，伊細漢讀冊ê頭一天，第一句學ê話，就是「我是中國人」。彼hit年是1945年，中華民國政府來台灣ê彼年。阮老母最近想想感覺不對，伊kā我問，是按怎我ná tī學校無學講我是台灣人?我看伊，m̄知欲講什麼，心內想，lí會曉án-ne想，已經是一種進步囉。

想想--eh，過去tī台灣，ē-sái自欺欺人。現在住在德國了解到德國人怎樣面對他們的過往，近年來濟濟德國少年家也開始問in阿公阿媽，in細漢戰爭ê經歷。我才知道，德國人家己也做過家己國家ê難民，tī一波一波逃難中求生存。真濟年紀大--ê，開始想過去囝仔時kap青少年時代ê代誌,寫書hō͘人看，in真驚這kóa記憶會tè死亡埋葬掉，無人知影。趁chín koh有一口氣，緊寫回憶錄，讓世人知影當年ê代誌，對家己也是一種釋放kap救贖。