Guá ê sió-muē sī tsi̍t ê iu-siù ê 人，guá kah i做伙tuā-hàn--ê，kám-tsîng 足好ê.Tī sè-hàn sî，guá lóng ē hām i sńg tshit-thô -mí-á iah sī ang-á， guá kap i lóng sńg kah足歡喜 ê 。
Guá ē kì-tit tī 我讀冊時，tī我讀高中 ê 時陣，tāi-iok 八、九 nî tsîng，guá ê sin-thé bô-hó，i lóng tī leh guá-ê sin-khu pinn puê-phuānn guá，tiām-tiām thiann guá ê sim-tsîng，m̄-kuán guá án-ná kóng hōo i thiann，i lóng tsuân-pōo tsiap-siu，sui-bóng guá ê tsōng-hóng ū sî hó ū sî bái，i tuì guá lóng tsiok tsán--ê.
Guá tsit-má siūnn--khí-lâi，nā m̄-sī gún sió-muē，guá tsá tō pha-hng khì ah，sim-lāi si̍t-tsāi足 kám-siā i ê，i ū kong-lô ，gún a-pa kap a-bú mā sī tsiok tsiàu-kòo guá--ê，gún tsi̍t-ke hué-á kám-tsîng lóng tsin hó，guá tsiok幸運 senn tī tsi̍t-ê ka-tîng，guá tsin-sim kám-siā-īn.漢羅版
我 ê 小妹是一 ê 優秀 ê 人，我 kah 伊做伙大漢 --ê，感情足好 --ê。Tī 細漢時，我攏會 hām 伊耍 tshit-thô -mí-á iah 是 ang-á，我 kap 伊攏耍 kah 足歡喜 --ê。
我會 kì-tit tī 我讀冊時，tī 我讀高中 ê 時陣，tāi-iok 八、九年前，我ê 身體無好，伊攏 tī leh我 ê身軀邊陪伴我，tiām-tiām 聽我ê心情，毋管我án-ná 講 hōo伊聽，伊攏全部接收，雖罔我 ê tsōng-hóng 有時好有時 bái，伊對我攏足 tsán--ê。
我這馬想 -- 起 - 來，nā 毋是阮小妹，我早 tō khioh-kak去 ah，心內實在足感謝伊 --ê。伊有 kong-lô，阮阿爸kap 阿母 mā 是足照顧--ê，阮一家伙仔感情攏真好，我足幸運生 tī 這 ê 家庭，我真心感謝īn。
附註:已刊登於台文通訊罔報(Tâi-bûn thong-sìn Bong-pò)第283期
原文章連結: Guá kap guá ê sió-muē(我kap阮小妹)
會當ná看ná聽:
