香城回憶錄019：甘心替代你

就在魔女剛剛說完她於2020年7月1日的早上，見到父母放在桌上的照片時，Mandy也準備好午餐了。 「睇吓Mandy你啲手勢有無退步到先！」魔女打趣地說道。 「彼鵲姐你真係識講笑，家常菜嚟啫。」 「Mandy你就真係講笑嘞，淨係睇個樣同聞到啲香味都已經知係大廚級啦。上次我帶你去雪山國基地做治療嗰陣，日日煮啲餸都唔同款，款款都食到齒頰留香，基地入面個個而家成日都叫我要多啲帶你過去。」 「彼鵲姐你過獎啦，唔係有你，我仲邊有機會煮到餸…」 「你兩個唔好互笠高帽啦，快啲趁熱食，大家起筷啦。」老闆娘笑道。

午飯過後，魔女正準備繼續談往事時，她手腕上的環發出了《綠袖子》的音樂。 魔女在手環按了一下後，一把女聲響起：「彼鵲姐，東非聯邦啲貨送咗嚟嘞。」 「唔該哂你，小星。」 「小星？係咪頭先響黃磚大學跟野外定向隊嘅人逃走嗰個…」我疑惑道。 「彼鵲姐，依位係…」小星沒有聽過我的聲音，所以有如此的反應。 「Mandy響中心大學讀書嗰陣，有一個好支持手足嘅教授，依位就係嗰個教授個仔。Mandy邀請佢由北美合眾國過嚟泰北，聽我哋啲老人家講番當年香城發生過嘅事，我哋食飯之前講到黃磚大學俾黑警包圍…」 「咁不如等我講吓『圍魏救趙』嘅事啦…」小星提出建議。 「但咁樣唔怕俾人偷聽咩？」我有點擔心。 「哈哈，年青人，唔使擔心喎，依個手環有個特別設計，偷聽嘅人只要一聽到對話內容，就會跌咗落時空亂流，好彩嘅話可能會響幾百年後番到地球，唔好彩跌咗出地球以外嘅地方，就即刻斷氣咯。」魔女笑道，說話內容卻令我冷汗直冒，魔女果然是一個不能得罪的人。

「頭先食飯之前，魔女啱啱講到佢響麗晶大賓館的樓上天台，截聽到有人大叫住阿細同伊健，唔通同魔女嘅父母一樣，又係真人真事改編咗做電影？」我問道。 「唔係啦，佢哋兩個個中文全名同電影入面個角色名似啫，阿細全名叫甘細草，係我響黃磚大學宿舍嘅同房，伊健全名叫陸倚健，係阿細嘅男朋友。」小星解釋道，接著唏噓地嘆息著：「唉，當初識佢哋嗰陣，就覺得個花名意頭唔好，如果我早啲勸佢哋改過好意頭啲嘅花名，命運可能就會唔同…」

「仲有Mandy講Kaza響黃磚大學嘅經歷嗰陣，講起有個叫紀瑤嘅女仔，佢老豆係個英勇殉職嘅消火員，好似有啲似曾相識…」我一邊說，一邊在記憶中搜索。「我記得啦！我老豆臨離開香城前，掃咗一堆無有線電視台經典劇集嘅碟，有幾套佢成日都翻睇，我記得有套2012年嘅劇集叫《猛火雄心2》，入面個細路女仲攞咗嗰年嘅我最喜愛的電視角色…」 「𡃁仔你都幾熟書喎，你仲有無啲劇響手？你講到我都有啲想煲劇添。」魔女似乎十分有興趣。 「有就有，不過響我北美合眾國間屋喎…」 「咁就唔好等，出發啦喂。」魔女作勢想離開。 小星笑道：「彼鵲姐，唔好玩住先啦。嗱後生仔，《猛火雄心2》就係改編自瑤瑤細個嗰陣嘅經歷，不過佢個故仔好長，牽涉嘅人又多，連《英雄隻色2》、《陀Gun師姐3》都會拉埋落水，遲啲等佢做完嘢番嚟，你先至再搵佢聽故仔，今日淨係講我走咗出黃磚之後嘅經歷啦。」

然後，小星就開始述說她逃出黃磚大學後的經歷。

2020年6月29日晚上，我和瑤瑤及另外兩個野外定向隊的成員，用游繩從黃磚大學逃走出來，到達地面時，已經有四部電單車接應，其中兩人我都認識：怡姐間中會與瑤瑤和我去遠足和露營，和哥則是我在攀石時候認識的。 我見瑤瑤走向一個我不認識的男人駕駛的電單車。 「依位點稱呼…」我一邊爬上怡姐的電單車，一邊問道。 「佢係我舅父仔，你叫佢南豐哥啦。」瑤瑤一邊爬上他的電單車，一邊回應道。 「哥前哥後三分險，都係叫我南豐得嘞。」南豐笑著說道。 「捉實啦，小星。」怡姐準備踏油門，提醒著我。 怡姐果然很厲害，電單車於橫街窄巷不停穿插，十分鐘後，後方已不見任何追兵。

由於我和她們都很熟稔，怡姐載著我到達了瑤瑤的住處，而南豐和瑤瑤亦在數分鐘之後到達了，我們四人就一起回到瑤瑤的家。 「老公，婷婷同玲玲呢？」門一關上，就看見一個女人焦急地問南豐。 「依位係我舅母，你可以叫佢向陽姐。」瑤瑤小聲地向我說道。 「老婆你冷靜啲先，佢哋兩個都唔識用游繩，點爬到出嚟…」南豐嘗試解釋。 「佢哋唔識用，你做消防識用㗎嘛！你咪爬入去救佢哋囉！」向陽姐越說越激動。「你又唔係唔知，而家啲差佬無性㗎啦！等陣搞到對孖女比啲狗搞點算！」 似乎感覺到氣氛不妥，一位比較年長的女人打開了廚房門，走了出來。 「珊姨。」瑤瑤向她打招呼，我也跟隨著點頭。

向陽姐開始大哭起來，指著我說道：「點解你會走咗去救個街外人先？嗰兩個係你個女嚟㗎！」 「向陽你唔好咁激動住，南豐咁做肯定有佢嘅原因。」珊姨一邊掃著向陽姐的背，一邊勸說道。「好多年前，我個仔東東上咗朋友屋企玩，點知樓上火燭，我去到現場見到我嗰個做消防嘅死鬼老公，叫佢一定要救東東，點知佢救咗東東三個朋友出嚟先，結果東東俾樓上啲石屎跌落嚟擊中，救唔番。」 「我嬲咗佢十幾年，仲帶走埋個女去島國，去到後來先知，係東東叫佢老豆救咗其他人先，你話好唔好笑丫？」珊姨轉過頭來，向瑤瑤問道：「你爬出嚟嗰度，大約有幾多層樓高？」 「嗯…大約十層到啦。」 「有無警車響附近？」 「有。」 「嗱，向陽，如果南豐揼低部電單車，貿貿然爬入去，就算無俾啲警察狙擊，地面嘅人同電單車都肯定會俾警察攞嚟做目標，到時全部人都肯定有入無出。佢同阿怡響地面守株待兔，真係無可厚非。」珊姨平靜地分析道。「而且棟建築物咁高，就算南豐成功爬咗入去，婷婷同玲玲都未必敢跟佢出嚟。」

珊姨說完後，就帶向陽姐到房間繼續開解她。同一時間，廚房的門又再打開，一個跟珊姨年紀相若的女人走出來了，見到瑤瑤就立刻抱著她。 「瑤瑤你擔心死霞姨啦！你有啲乜嘢三長兩短嘅話，我點同你老豆紀德交代呀…」 「霞姨，對唔住，要你老人家擔心…」 「同你講咗幾多次，唔好話我係老人家，要叫我靚女！」霞姨破涕為笑。 「係嘅靚女！」瑤瑤有點調皮地說道。 「你同你個朋友響大學入面都無啖好食㗎嘞，嚟！兩個一齊嚟飲啖霞姨煲嘅靚湯先！」 「係！」「好嘅靚女！」 見到怡姐準備入廚房盛湯，霞姨叫停了她：「阿怡你都抖吓先，等我去攞！」 霞姨拿湯出來後，又對瑤瑤說道：「我仲準備咗啲碌柚葉添呀，等陣瑤瑤你沖涼嗰陣記得攞去用，洗哂啲衰氣佢！」

過了大約十五分鐘，向陽姐與珊姨傾談後，似乎能夠理解南豐的行動，三人就一起離開了。 之後，怡姐提議道：「都咁夜咯，小星你今晚響度過夜啦。」 「但係咁樣會打擾到你同瑤瑤…」 「點會呢？我哋都試過一齊露營，大家咁熟，唔使客氣喎。」 「咁好啦。」 「好彩我有預多到碌柚葉啫，你都攞啲去用啦。」霞姨知道我會在這裡借宿，向我說道。 「多謝霞…呀唔係，多謝靚女。」我笑道。 「乖！」霞姨笑得很燦爛，連眼睛也看不見了。

6月30日中午，瑤瑤告訴我，阿坤發了一個訊息給她，他預計今晚黃磚大學會有逃亡行動，叫她帶著幾個懂得潛水的人，到中心大學的未圓湖等候，怡姐擔心瑤瑤的安全，也陪她一起去。

我則準備到黃磚大學旁邊的香取區，參加「圍魏救趙」的行動。這個行動，是網上有人號召支援被警察圍困的黃磚大學手足，目的是分散警力，令手足有機會逃走出來。雖然理性告訴我，參加這個活動，猶如燈蛾再次撲火，但如果我逃避的話，會抱憾終身。 而我想不到的是，與瑤瑤自此一別，再次見面時已是多年後的事。

當我準備出發去香取區時，我在黃磚大學宿舍的室友，阿細，在Kilogram及了一個訊息給我：「小星，你仲響黃磚嗎？」 見到這個訊息，我十分感動，阿細之前因為身體不太舒服，所以她沒有到黃磚大學幫忙。 「六國破滅，非兵不利，戰不善，弊在賂秦。」我用之前與她約定的暗號，如果我還在黃磚，就背《出師表》，如果我已經離開黃磚，則背《六國論》。 「五點天長地久。」為了避免監聽的人懷疑，無論我背甚麼，她都會說時間地點，但如果我背的是《出師表》，她就不會到約定的地點等我，如此看來，她似乎也打算去「圍魏救趙」。

到了約定的地點，除了阿細，還有另外四個人，有兩個人我都認識，分別是阿細的男朋友伊健，與及他們的中學同學Kenny。我認識Kenny，是他來黃磚大學找阿坤時，剛好我正在與瑤瑤、楓兒和阿坤吃午飯，阿坤為了答謝他從荷花池拿來的水，就請Kenny吃飯，所以大家就熟絡了。言談之間，我才知道，他在對面海大學讀化學，與阿坤和阿細都是化學奧林匹克的香城代表隊。

我不認識的兩個人，是很年輕的女孩，容貌很相似，就向阿細問道：「依兩位係…」 「佢哋兩個係我妹妹，大孖叫Nene，細孖叫Nana，今年讀中二。」Kenny插嘴道。「佢哋兩個同楓兒好friend，所以知道黃磚大學俾狗包圍之後，都好擔心…」 「楓兒佢又無俾狗咬？」「有無受傷？」Kenny剛剛說完，這對孖生姊妹就焦急地問道。 「我走嗰陣，佢仲響後勤幫緊手，好安全，早幾日我響前線受咗傷，佢仲幫我包紥添。」我回想起之前被楓兒幫助的經過，她雖然年紀小，但心靈手巧，包紥技術一流。「不過你哋個名咁島國feel嘅？」 「Nene個英文名叫Vanessa，Nana叫Annabella，不過因為音節太多啦，所以我阿爸阿媽就用個名其中一個音去嗌佢哋。」Kenny解釋道。 「係呀係呀，我係家姐，用Nene咪啱哂囉，嘻嘻…」Nene露出很可愛的笑容，向我說道。 「咁你叫咩名呀？」Nana似乎想起我還沒有告訴她們名字。 「你哋叫我小星得嘞…」 「大家食咗嘢未？未嘅話不如去搵間餐廳先繼續講啦。」伊健提議道。 「好呀。」「同意。」「等我開個黃店地圖先…」

到了餐廳，空出來都是四個人的「卡位」，為了節省等候時間，我們六個決定兵分兩路。 結果我和Nene、Nana坐在一起，點餐之後，就聊起天來。 「你哋同楓兒識咗好耐嘞？」 「係呀，我哋三個由小二開始就一直都係同一班啦。」Nene答道。 「咁真係好難得…」 「我地間學校，小學部好多時都可以直升中學部，所以唔算好罕見啦。」Nana解釋道。 香城一些歷史悠久的名校，通常都附設小學部，學生只要成績和操行不太差，升讀中學部並非難事。

「不過下年中三要揀科，楓兒佢應該想讀醫護方面嘅科目，好大機會揀理科班，到中四嗰陣，我哋三個就無得同班啦…」Nene有點失落地說道。 「未必嘅家姐，只要你數學成績好番啲，話唔定碌到入理科班呢…」Nana安慰著她的姐姐。 「Nana你唔使安慰我啦，我由細到大都係數學白痴。我語文好數學差，你就啱啱倒返轉，真係唔明，明明我同你係孖生姊妹，點解個腦部發育可以差咁遠？」Nene感嘆道。 在Nene慨嘆的時候，我才留意到，雖然她們兩個樣貌很相似，身高和膚色也幾乎沒有差異，但Nene的胸部發育得很好，Nana的則好像還沒有開始青春期一樣。我估計，她們雖然是孖生姊妹，但有可能是異卵雙胞胎，所以才會出現這種情況。 「你唔介意嘅話，遲啲可以搵我幫你補習喎。」替中學生私人補習，是香城大學生常見的兼職之一。

我來自基層家庭，大學學費獲得全額資助，在大學第一個學期，就是靠黃磚大學的第一代大學生獎學金，去支付日常開支。之後的生活費，我不想再讓勞碌半生的父母太辛苦，加上我在Joint Matriculation Examination的成績不俗，所以就開始了私人補習的兼職工作。一般來說，在私人補習界，女生尋找工作時會比男生有優勢，因為不少父母會覺得自己的子女與男生單獨相處，會有危險，所以很多時候都會選擇女生替子女補習。 當然，在大學校園裡也有各種兼職機會，但以時薪來說，私人補習絕對比其他兼職工作高。

「係喎，頭先你話你響黃磚讀牙醫，JME成績肯定好好啦…」剛才從集合地點出發時，大家一邊走，一邊互相介紹，Nana大概想起來了。 「幾好啦…」我被Nana誇獎著，有點不知所措。 「幾多粒星呀？」Nene問到了重點。 「中文通識比較弱，得4，Chem同英文5星，Bio數學物理都係5星星。」 「嘩，星光熠熠呀！」「同你個名一樣，一閃一閃小星星！」 「你哋太誇張啦，依個成績響我個系唔算勁啦…」我嘗試解釋道。「入到大學，你哋就會知依個世界真係天外有天，人外有人。」 「好嘢，我數學有救啦！可以繼續同楓兒同班啦！」Nene興奮地說著，似乎沒有理會我的話。

「Nene等等先，你住邊度？太遠嘅話我未必會補喎…」我在大學二年級時，曾經接過一個私人補習，雖然時薪比市價高兩倍，但補習的地點卻在爛頭島的發現灣。除了昂貴的交通費，舟車勞動更是累人，結果在兩個月後，等補習學生完成了考試後，我就不幹了。 「唔使驚，好近黃磚咋，何仁田山道23號…」Nene說完這話，我留意到鄰桌傳來一些不友善的目光。我打開foofle map一看，竟然是督察級警察宿舍…？ 「家姐你講得太興奮啦，你唔記得咗我哋就嚟搬去船埔花園嘞？上個月啲狗一開始放催淚彈同亂咁打人，老豆就即刻申請提早退休，就算長俸少咗錢，都唔想同班有牌爛仔同流合污，佢仲話，『最多咪食平啲，著平啲囉』…」Nana見勢色不對，立刻補充道。我留意到，旁邊本來不友善的目光，立時變成了欣賞的眼神，其中一個人還豎起了大拇指。

待應把「碟頭飯」送來後，我留意到碟上有蝴蝶的圖案，想起她們兩姊妹的英文名。 小時候每逢假日，憫情表姐一有空就會帶我到她家在螺澳的渡假屋，日間會帶我去認識各種樹木和各樣昆蟲，晚上天氣好的話就一起觀星。雖然她之後跟隨父母移居海外，但這些接觸大自然的經驗，令我因此喜歡上野外定向。

「頭先你哋自我介紹嗰陣，你哋兩個嘅英文名拼埋一齊，係一隻蝴蝶嘅學名…」 「果然係Bio 5星星，咁快就留意到！」Nene笑道。「我中文全名叫羅綽莊。」 「我叫羅綽蝶。」Nana像有心靈感應一樣，當Nene一說完，就立刻道出自己的姓名，解說起來：「拼埋一齊，就係莊周夢蝶，所以英文名就用West Coast Lady嘅學名啦。」 「係呀！我哋今年14歲生日嗰陣，哥哥仲同老豆夾份送蝴蝶型嘅吊墜俾我哋添。」Nene指向自己胸前的項鍊，笑容非常燦爛。 「家姐睇你開心到丫，嗰陣你連沖涼瞓覺都唔捨得除條頸鍊落嚟呀。」Nana微笑著回想起往事。 「咩喎？你夠開心到喊咯。」Nene不服輸地反擊著Nana。

見到氣氛有點緊張，我嘗試轉換話題：「你哋個中文名好有意境呢，我個中文全名就有啲搞笑，叫司徒諾星…」 我顯得有點無奈。父母為子女命名，真的要好好想清楚。 「？」「？」Nene和Nana一臉呆滯，似乎不明白為甚麼這個中文名有點可笑。 「呀，我知啦，因為響你哋出世之前，依個島國電器牌子已經統一哂全世界嘅叫法，所以無聽過樂星牌電器，五年一個generation gap，真係無錯…」我嘗試解釋道。「所以呢，我個中文名係同一個電器牌子嘅讀音一模一樣。」 「原來係咁…」「我明白啦。」Nene和Nana微笑著答道，沒有我預期中的捧腹大笑，她們大概還是不太明白吧？

晚飯之後，我們一行六人換上黑色的衣服，到香取區支援抗爭行動。戴著防毒面具的示威者與警察之間，時而僵持，時而互相攻擊，汽油彈和催淚彈都混在一起了。 夜色漸深，天上響起了悶雷，街上的火頭越來越多，亦有手足把火頭放進街上的電箱，引起爆炸。

接近午夜時分，一輛俗稱「雞籠車」的警方囚車，突然加速衝向示威者。我與Kenny、Nene和Nana站在較後方的位置，所以並沒受傷，可是… 「轟隆！！！」一道震耳欲聾的雷聲響起。 「阿細！！！」雷聲之後，是伊健的大叫聲。 原來，阿細走避不及，被撞至重傷，伊健衝了出去抱著阿細。此時，天下起雨來，彷彿在為阿細哭泣。

與電影不同的是，此時沒有腰纏手榴彈的山雞，奮不顧身地去救伊健。 取而代之的，是剛剛從手足拳打腳踢中逃脫的一名警察。 他不顧方向地開了數槍，其中兩枚流彈擊中了在路中央的伊健和阿細。結果，他們雙雙倒下了。

「伊健！！！」我和Kenny大喊著，Nene和Nana則嚇呆了。 「走呀！雞籠車入面有狗！」前方的手足大叫著。 雖然我們都十分哀傷，但Kenny和我都清楚知道，這不是悼念伊健和阿細的時候，就分別拉著Nene和Nana拔足狂奔。

豈料，警方在另一個方向也進行了部署，我們只好跑進後巷裡躲避。 不幸的是，跑進去的竟是沒有出口的掘頭路，結果我們四人都被捕了，被押送到附近的一幢三層高建築物的天台，雙手被反綁，躺在地上被警察搜身，搜身的警察全都是公狗，自然少不了被揩油。

7月1日清早，我們四人和其他被捕的手足，被送到一個叫碧晴新村的地方，過著日月無光的生活。 我以為，Kenny、Nene和Nana的父親如此支持抗爭，又是退了休的督察，應該能夠靠著一些人際關係，帶他們脫離魔掌。 但原來，我對黑暗的想像力實在過於匱乏，也不知道香城早已腐爛得無可救藥。