不尋常嘅日子-1

-閃迅•M•於列弗時•文(呢度我會用我嚟代替佢嘅全名)每日過住正常又唔正常嘅生活，少年時所嚮往嘅能力都唔知係幾多年前嘅傳說了。 -剛喺酒吧同同事飲完酒準備要搭uber返屋企了，頭先真係舒服啊，可以放底沉重工作嘅勞累，離開全球最長公時嘅職場。Siamkiamum真係一個獨特嘅城市啊！有住全球最獨特嘅地位，又係其中一個經濟最發達嘅國家體，佢先啱啱獨立咗一年，但真係好怪啊！明明七個大國中有六個都想保護呢塊土地，但係唯獨是有一個國家無論如何都想將呢塊領土攞到佢手——chinware(健維國)，但係呢個國家有點樣都攞唔到呢一個城市到手，就好似有一股力量牽制住一個國家咁！呢一切真係令人覺得好奇怪啊！感覺我已經諗咗好耐好耐，就好似諗緊「我係邊個」「我嚟自邊度」呢啲咁嘅人生大哲學。諗下諗下我都已經陶醉咗喺呢個思考之中。 -「到啦！」司機用稍帶高音嘅語氣同我講。將我由無盡嘅思考當中帶返嚟現實世界。「雖然我唔知你係邊個，但係我感覺未來會再遇到你！」司機再用一個比較激動嘅語氣同我講，「你要小心！呢個世界好快就會發生天翻地覆嘅變化！」司機之後用一個好嚴肅嘅態度同我講，「好啦我都唔講咁多啦，我哋有緣再見。」司機欲言又止同我講，講完我就已經喺uber出面，架uber已經消失咗。 -雖然我好想問多佢幾句，但係我無從入手，想搵都搵唔到佢。 -「返嚟啦」女朋友"Gene"用帶有甜蜜嘅語氣同我講，「係啊！今日真係好攰啊！睇嚟呢個城市獨立咗之後工作量係會比較唔同啲，我諗你都會有同樣嘅睇法架啦。」我用比較直接嘅講法同"Gene"講。「係咁㗎啦！唔係邊會有獨立！獨立就係會有好多嘢需要重建返。」"Gene"用比較現實嘅講法同我講。「唔講咁多啦，沖個涼先啦，我都係返完工返嚟冇幾耐。」"Gene"講完之後就去咗沖涼。到我都沖埋涼之後，大家就去瞓覺。 -又到咗「夢］嘅時刻啦，唔知今次會係咩「夢」呢？ -「哈~ 呢度係邊度嚟㗎？！」我大聲咁講咗出嚟。突然間，有二個人同一隻鸚鵡坐咗喺我前面，而佢哋後面仲有一個非常強大嘅......我都唔知可以用「神」定更加高級嘅「存在體」！我暫且稱呼佢做「體」，「我哋搵咗你好耐啦，你終於都出現喺我哋嘅面前！」「體」用開心嘅語氣同我講，「係我哋家族搵咗好耐嘅成員啊，你終於返嚟喇！」「體」用好激動嘅語氣同我講，「你好快就見到我哋㗎啦！」「體」講完我就起咗身。