陪伴

今年陪左兩個朋友度過左佢哋痛苦嘅時候。

一個係佢媽媽病逝，當時真係唔知點安慰佢，除左不斷用whatsapp 傾計，立刻見面陪佢傾計陪佢返佢媽媽屋企打理，出席佢媽媽funeral幫一啲小忙及去火化場見證大家最不捨嗰刻。當㩒按鈕嗰一刻，好難想像家人嘅心情係幾咁痛。

另一個朋友從四月開始展開癌症療程，中間嘅身體痛苦絕對比唔上心理上嘅痛苦，佢身在外國，靠whatsapp 同電話傾訴，我盡量保持聆聽態度唔會講太多自己意見，唔係當時人無經歷過，邊有資格比咩意見，今早傳嚟好消息，療程順利完成，blood test negative無事，眼淚都幾乎流出嚟。過程中我未至於身同感受，而且朋友盡量都避談痛苦嘅事，但個心一直好似有件事未放低。

而家兩件事都過去了，原來朋友有難，我只需要陪伴陪伴多問候一下已對對方好大鼓舞。有啲人以為呢啲情況唔好打擾佢哋係錯，佢哋好想有人關心佢哋。我知道啦，我會努力去關心身邊嘅人。以前只會諗自己，直到我有低谷時我記得幫過我共同度過嘅人。我希望我用同樣嘅心去看待返我愛嘅人！