拍拚ê散赤人 作者:Ko Ka-hui 日期:20170816

Tsū sè-hàn, i ê jîn-sing tō tsiok pi-tshám--ê, in-uī tī i tsa̍p kuí huè ê sî-tsūn, i ê a-bú tō kuè-sin ah! Tī kok-sió 6 nî i tō tshut-lâi thàn-tsînn, tsin-tsiànn hōo lâng thiann liáu ū kàu m̄-kam--ê.

In tau tû liáu i, koh ū tsi̍t ê pí i sè-hàn 7 huè ê sió-tī, i tsū sè-hàn tō ài thó-thàn hōo sió-tī tsia̍h kap tshīng. Sui-bóng ji̍t-tsí kuè liáu tsin kan-khóo, m̄-koh i mā sī kian-tshî beh hōo i ê tshin-lâng kuè siōng-hó ê sing-ua̍h. Kiann sió-tī bô thang tsia̍h-pn̄g, siánn-mi̍h tāi-tsì lóng sī i teh huat-lo̍h, i ê sió-tī lóng khuànn tsāi gán-lāi, i tō tshin-tshiūnn tsi̍t ê niû-lé kâng-khuán teh tsiàu-kòo sió-tī.

I uī-tio̍h beh kuè koh khah hó ê sing-ua̍h, koh khì tsò gē-jîn, siūnn kóng án-ne ē-tàng thàn khah tsē tsînn, ē-tàng kái-piàn sing-ua̍h.

I tsiok hīng-ūn, tú-á tsò gē-jîn bô kàu 2 tang tō âng--khí-lâi ah! Tsin tsē kong-si koh tsiok tsē lâng si̍k-sāi i tsit ê iân-tâu ê lâng. In-uī miâ-siann tsiām-tsiām thuànn-khui, hōo i ē-tàng tsih-tsiap tsin tsē sit-thâu. I nā-sī ū-îng, tō it-ti̍t tsiap khang-khuè, bô-mê-bô-ji̍t, tō jīn-tsin phah-piànn teh thó-thàn. Tō-sī in-uī siūnn tshau-lô, sin-thé tō koh jú bái ah! Jî-tshiánn koh tio̍h iu-ut-tsìng, tse si̍t-tsāi sī ū-kàu put-hīng--ê. Sè-hàn ê sî, lāu-bú tō khì tsò-sian ah, koh ū tsi̍t ê sió-tī beh tshī, tsuân-pōo ê hū-tam lóng tī i ê sin-siòng, tsin-tsiànn sī ū-kàu tsia̍h-la̍t--ê.

I ê hó-pîng-iú koh kā i khi-phiàn, tsò hòng-sàng-thâu, kā i ê tāi-tsì koh ū bô sit tsāi ê tāi-tsì kóng--tshut-khì, hōo i bô-huat-tōo tsò-lâng. M̄-kuán án-tsuánn kái-sueh, ta̍k-ê lóng bô teh kā i sìn-táu, sóo-í tsiah ē tit-tio̍h iu-ut-tsìng.

Āu--lâi, i ê sió-tī ū tshut-thuat ah, kā i ê a-hiann kóng, i ē kā i tàu-sann-kang, kiò i m̄-bián huân-ló. I ê a-hiann tsin-tsiànn thiám ah!

I ê sió-tī hia ê tuì kok-tiong kàu tāi-ha̍k ê ha̍k-huì, sóo-ū tuā-tuā-sè-sè sóo khai ê tsînn, lóng sī tsit ê a-hiann hū-tsik--ê.

Uī tioh kòo sió-tī, i ka-kī mā bô tha̍k siánn-mi̍h tsheh. Lí kóng, tsit ê kòo-sū sī-m̄-sī tsiok tîm-tāng kap thiànn-sim--leh? Kóng tsit ê kòo-sū ê lâng ba̍k-sái teh beh lâu--tshut-lâi ah!

拍拚ê散赤人(漢羅版) 作者:Ko Ka-hui(高嘉徽)日期:20171201

Tsū細漢，伊ê人生tō足悲慘 --ê，因為tī伊十幾歲ê時陣，伊ê阿母tō過身ah! Tī國小6 年伊tō出來趁錢，真正hōo人聽liáu有夠毋甘--ê。

In兜tû liáu伊， koh有一ê 比伊細漢7 歲ê小弟，伊tsū 細漢tō愛討趁 hōo小弟食kap穿。雖罔日子過liáu真艱苦，毋過伊mā是堅持beh hōo伊ê親人過上好ê 生活。驚小弟無thang食飯，啥物代誌攏是伊 teh發落，伊ê小弟攏看在眼內，伊tō親像一ê niû-lé kâng-khuán teh照顧小弟。

伊為著 beh過koh khah好ê生活，koh去做藝人，想講án-ne會當趁khah濟錢，會當改變生活。

他足幸運，tú-á做藝人無夠2冬 tō紅 -- 起 - 來 ah!真濟公司koh足濟人熟識伊這 ê 緣投ê人。因為名聲 tsiām-tsiām thuànn開，hōo伊會當tsih-tsiap真濟sit-thâu。伊nā-sī有閒，tō一直接khang-khuè，無暝無日，tō認真拍拼teh討賺。Tō是因為傷tshau-lô，身體tō koh jú bái ah!而且 koh 著憂鬱症，tse實在是有夠不幸 --ê。細漢ê時，老母tō 去做仙ah，koh 有一ê小弟beh tshī，全部ê負擔攏tī伊ê身上，真正是有夠食力 --ê。

伊ê好朋友koh共伊欺騙，作放送頭，共伊ê代誌koh有無實在 ê代誌講 -- 出 - 去，hōo伊無法度做人。毋管安怎改說，逐家攏無teh共伊sìn-táu，所以tsiah會得著憂鬱症。

後 -- 來，伊ê小弟有出脫--ah，共伊ê阿兄講，伊ē共伊鬥相工，叫伊m̄-bián 煩惱。伊ê阿兄真正thiám ah!

伊ê小弟hia ê 對國中到大學ê學費，所有大大小小所開 ê錢，攏是tsit ê阿兄負責 --ê。

為著顧小弟，伊家己 mā無讀啥密冊。你講，這 ê故事是毋是足tîm-tāng kap疼心 --leh? 講這 ê故事ê人目屎teh beh 流 -- 出 - 來 ah!

*刊佇台文罔報NO.312(2020/3月)